“Call your relatives, get a big reward..!” Government’s Golden Offer for people living in Dubai
”ਰਿਸ਼ਤੇਦਾਰਾਂ ਨੂੰ ਬੁਲਾਓ, ਮੋਟਾ ਇਨਾਮ ਪਾਓ..!” ਦੁਬਈ ‘ਚ ਰਹਿੰਦੇ ਲੋਕਾਂ ਲਈ ਸਰਕਾਰ ਦਾ Golden Offer
Dubai, (ਆਵਾਜ਼ਿ ਕੌਮ ਬਿਊਰੋ)-ਜੇ ਤੁਸੀਂ ਸੰਯੁਕਤ ਅਰਬ ਅਮੀਰਾਤ ‘ਚ ਰਹਿੰਦੇ ਹੋ ਅਤੇ ਆਪਣੇ ਦੋਸਤਾਂ ਜਾਂ ਰਿਸ਼ਤੇਦਾਰਾਂ ਨੂੰ ਦੁਬਈ ਘੁੰਮਣ ਲਈ ਬੁਲਾਉਣ ਬਾਰੇ ਸੋਚ ਰਹੇ ਹੋ ਤਾਂ ਦੁਬਈ ਸਰਕਾਰ ਤੁਹਾਡੇ ਲਈ ਸੁਨਹਿਰੀ ਮੌਕਾ ਲੈ ਕੇ ਆਈ ਹੈ। ਦੁਬਈ ਦੇ ਅਰਥਵਿਵਸਥਾ ਅਤੇ ਟੂਰਿਜ਼ਮ ਵਿਭਾਗ ਨੇ ਇੱਕ ਨਵਾਂ ਸਿਟੀ ਅੰਬੈਸਡਰ ਪ੍ਰੋਗਰਾਮ “A Dubai Invite” ਲਾਂਚ ਕੀਤਾ ਹੈ। ਇਸ ਯੋਜਨਾ ਦੇ ਤਹਿਤ ਆਪਣੇ ਵਿਦੇਸ਼ੀ ਮਹਿਮਾਨਾਂ ਨੂੰ ਦੁਬਈ ਬੁਲਾਉਣ ‘ਤੇ ਯੂ.ਏ.ਈ. ਨਿਵਾਸੀਆਂ ਨੂੰ 3,000 ਦਿਰਹਾਮ (ਲਗਭਗ 79,000 ਭਾਰਤੀ ਰੁਪਏ) ਤੋਂ ਵੱਧ ਦੇ ਫ੍ਰੀ ਵਾਊਚਰ, ਹੋਟਲ ਸਟੇ ਅਤੇ ਡਾਇਨਿੰਗ ਆਫ਼ਰਸ ਦਿੱਤੇ ਜਾ ਰਹੇ ਹਨ। ਸਰਕਾਰ ਦਾ ਇਹ ਆਫ਼ਰ 18 ਸਾਲ ਤੋਂ ਵੱਧ ਉਮਰ ਦੇ ਉਨ੍ਹਾਂ ਸਾਰੇ ਯੂ.ਏ.ਈ. ਨਿਵਾਸੀਆਂ ਅਤੇ ਨਾਗਰਿਕਾਂ ਲਈ ਹੈ, ਜਿਨ੍ਹਾਂ ਕੋਲ ਵੈਲਿਡ ‘Emirates ID’ ਹੈ। ਤੁਹਾਡੇ ਵੱਲੋਂ ਨਾਮੀਨੇਟ ਕੀਤੇ ਗਏ ਵਿਦੇਸ਼ੀ ਮਹਿਮਾਨਾਂ ਦਾ 20 ਜੁਲਾਈ ਤੋਂ 31 ਅਕਤੂਬਰ 2026 ਦੇ ਵਿਚਕਾਰ ਜਹਾਜ਼, ਸਮੁੰਦਰੀ ਜਾਂ ਸੜਕੀ ਰਸਤੇ ਰਾਹੀਂ ਦੁਬਈ ਪਹੁੰਚਣਾ ਜ਼ਰੂਰੀ ਹੋਵੇਗਾ। ਮਹਿਮਾਨ ਦੇ ਆਉਣ ਤੋਂ ਪਹਿਲਾਂ ‘Visit Dubai’ ਦੀ ਅਧਿਕਾਰਤ ਵੈੱਬਸਾਈਟ ‘ਤੇ ਜਾ ਕੇ ਇੱਕ ਆਨਲਾਈਨ ਫਾਰਮ ਰਾਹੀਂ ਉਨ੍ਹਾਂ ਦੇ ਪਾਸਪੋਰਟ ਅਤੇ ਯਾਤਰਾ ਦੀ ਜਾਣਕਾਰੀ ਐਂਟਰ ਕਰਨੀ ਪਵੇਗੀ। ਇੱਕ ਸਮੇਂ ਵੱਧ ਤੋਂ ਵੱਧ 5 ਮਹਿਮਾਨਾਂ ਨੂੰ ਨਾਮੀਨੇਟ ਕੀਤਾ ਜਾ ਸਕਦਾ ਹੈ। ਮਹਿਮਾਨਾਂ ਦੇ ਦੁਬਈ ਆਉਣ ਤੋਂ ਬਾਅਦ ਉਨ੍ਹਾਂ ਦਾ ਐਂਟਰੀ ਡਾਟਾ ਆਪਣੇ ਆਪ ਵੈਰੀਫਾਈ ਹੋ ਜਾਵੇਗਾ ਅਤੇ 72 ਘੰਟਿਆਂ ਦੇ ਅੰਦਰ ਉਨ੍ਹਾਂ ਨੂੰ ਇੱਥੇ ਸੱਦਣ ਵਾਲੇ ਨਾਗਰਿਕ ਨੂੰ ਈਮੇਲ ਰਾਹੀਂ ਰਿਵਾਰਡ ਪੈਕੇਜ ਮਿਲ ਜਾਵੇਗਾ। ਇਹ ਵਾਊਚਰ 31 ਦਸੰਬਰ 2026 ਤੱਕ ਵਰਤੇ ਜਾ ਸਕਦੇ ਹਨ। ਇਨ੍ਹਾਂ ਵਾਊਚਰਜ਼ ਤਹਿਤ UAE ਦੇ ਕਈ ਮਸ਼ਹੂਰ ਹੋਟਲਾਂ ‘ਚ ਸਟੇ ਆਫ਼ਰਸ ਮਿਲਣਗੇ, ਜਿਵੇਂ Meliá Desert Palm ‘ਚ 45 ਫ਼ੀਸਦੀ ਤੱਕ ਦਾ ਡਿਸਕਾਊਂਟ, ME Dubai ‘ਚ 35 ਫ਼ੀਸਦੀ ਡਿਸਕਾਊਂਟ ਅਤੇ ਫ੍ਰੀ ਰੂਮ ਅੱਪਗ੍ਰੇਡ। ਇਸ ਤੋਂ ਇਲਾਵਾ ਕੁਝ ਚੋਣਵੇਂ IHG ਹੋਟਲਾਂ ‘ਚ ਮੁਫ਼ਤ ਨਾਈਟ ਸਟੇ, W Dubai Mina Seyahi, The Westin, ਅਤੇ Le Méridien ‘ਚ ਬੁਕਿੰਗ ‘ਤੇ 100 ਫ਼ੀਸਦੀ ਰਿਜ਼ੋਰਟ ਕ੍ਰੈਡਿਟ ਵਰਗੇ ਸ਼ਾਨਦਾਰ ਆਫਰ ਮਿਲਣਗੇ। ਸਿਰਫ਼ ਹੋਟਲ ਹੀ ਨਹੀਂ, ਇਹ ਵਾਊਚਰ ਐਡਵੈਂਚਰ ਤੇ ਵਾਟਰਪਾਰਕਸ ‘ਚ ਵੀ ਵਰਤੇ ਜਾ ਸਕਣਗੇ, ਜਿਵੇਂ Aquaventure World ਅਤੇ IMG Worlds of Adventure ਲਈ ਫ੍ਰੀ ਐਂਟਰੀ ਟਿਕਟਾਂ, Grand Hyatt Waterpark ‘ਚ 50 ਫ਼ੀਸਦੀ ਦੀ ਛੋਟ, ਖਾਣ-ਪੀਣ ਅਤੇ ਟਰਾਂਸਪੋਰਟ ਲਈ ਮਸ਼ਹੂਰ ਰੈਸਟੋਰੈਂਟਾਂ ਜਿਵੇਂ- Asia Asia, Papas, The 305 ‘ਚ “Buy One Get One Free” ਆਫ਼ਰਸ, Careem ਅਤੇ Hala Taxis ਦੀਆਂ ਰਾਈਡਾਂ ‘ਤੇ 20 ਫ਼ੀਸਦੀ ਤੱਕ ਦੀ ਛੋਟ। ਧਿਆਨ ਰਹੇ ਕਿ ਇਹ ਯੋਜਨਾ ਸਿਰਫ਼ ਰਿਵਾਰਡਸ ਲਈ ਹੈ, ਵੀਜ਼ੇ ਦਾ ਪ੍ਰਬੰਧ ਮਹਿਮਾਨਾਂ ਨੂੰ ਆਪ ਟੂਰਿਸਟ ਵੀਜ਼ਾ ਜਾਂ ਵੀਜ਼ਾ-ਆਨ-ਅਰਾਈਵਲ ਰਾਹੀਂ ਕਰਨਾ ਪਵੇਗਾ। ਇਕ ਵਿਅਕਤੀ ਇਸ ਆਫ਼ਰ ਦਾ ਵੱਧ ਤੋਂ ਵੱਧ 3 ਰਿਵਾਰਡ ਪੈਕੇਜ ਪ੍ਰਾਪਤ ਕਰ ਸਕਦਾ ਹੈ।
