Now entry of buses through Sungal tunnel has also started, people got big relief on Jammu-Poonch route

ਹੁਣ ਸੁੰਗਲ ਸੁਰੰਗ ਰਾਹੀਂ ਬੱਸਾਂ ਦੀ ਐਂਟਰੀ ਵੀ ਸ਼ੁਰੂ, ਜੰਮੂ-ਪੁੰਛ ਰੂਟ ’ਤੇ ਲੋਕਾਂ ਨੂੰ ਮਿਲੀ ਵੱਡੀ ਰਾਹਤ

ਅਖਨੂਰ (ਆਵਾਜ਼ਿ ਕੌਮ ਬਿਊਰੋ)-ਜੰਮੂ-ਪੁੰਛ ਰੂਟ ’ਤੇ ਸਫਰ ਕਰਨ ਵਾਲੇ ਮੁਸਾਫਰਾਂ ਨੂੰ ਵੱਡੀ ਰਾਹਤ ਮਿਲੀ ਹੈ। ਅਖਨੂਰ-ਪੁੰਛ ਰੋਡ ’ਤੇ ਚੌਕੀ ਚੌਰ ਵਿਖੇ ਨਵੀਂ ਬਣੀ ਸੁੰਗਲ ਸੁਰੰਗ ਹੁਣ ਜੰਮੂ-ਪੁੰਛ ਰੂਟ ’ਤੇ ਬੱਸਾਂ ਲਈ ਖੋਲ੍ਹ ਦਿੱਤੀ ਗਈ ਹੈ। ਮੰਗਲਵਾਰ ਸੁਰੰਗ ਰਾਹੀਂ ਬੱਸਾਂ ਚੱਲਣੀਆਂ ਸ਼ੁਰੂ ਹੋ ਗਈਆਂ। ਸੁਰੰਗ ਰਾਹੀਂ ਬੱਸਾਂ ਸਵੇਰੇ 8 ਵਜੇ ਤੋਂ ਰਾਤ 8 ਵਜੇ ਤੱਕ ਲੰਘ ਸਕਣਗੀਆਂ । ਜ਼ਿਕਰਯੋਗ ਹੈ ਕਿ ਸੁੰਗਲ ਸੁਰੰਗ ਨੂੰ ਲੱਗਭਗ 2 ਹਫ਼ਤੇ ਪਹਿਲਾਂ ਛੋਟੇ ਵਾਹਨਾਂ ਲਈ ਖੋਲ੍ਹਿਆ ਗਿਆ ਸੀ। ਹੁਣ ਬੱਸਾਂ ਨੂੰ ਵੀ ਸੁਰੰਗ ’ਚ ਦਾਖਲ ਹੋਣ ਦੀ ਆਗਿਆ ਮਿਲਣ ਨਾਲ ਜੰਮੂ-ਪੁੰਛ ਰੂਟ ’ਤੇ ਜਨਤਕ ਆਵਾਜਾਈ ਨੂੰ ਕਾਫ਼ੀ ਲਾਭ ਹੋਣ ਦੀ ਉਮੀਦ ਹੈ। ਇਸ ਨਾਲ ਮੁਸਾਫਰ ਵਧੇਰੇ ਸੌਖਾ ਸਫਰ ਕਰ ਸਕਣਗੇ। ਇਸ ਨਾਲ ਰਾਜੌਰੀ, ਪੁੰਛ, ਸੁੰਦਰਬਨੀ ਅਤੇ ਜੰਮੂ ਵਿਚਕਾਰ ਯਾਤਰਾ ਕਰਨ ਵਾਲੇ ਯਾਤਰੀਆਂ ਨੂੰ ਬਹੁਤ ਫਾਇਦਾ ਹੋਇਆ ਹੈ ਅਤੇ ਯਾਤਰਾ ਦੇ ਸਮੇਂ ਅਤੇ ਦੂਰੀ ਵਿੱਚ ਕਾਫ਼ੀ ਕਮੀ ਆਈ ਹੈ। ਇਸਨੂੰ ਪਹਿਲਾਂ 15 ਅਗਸਤ 2026 ਨੂੰ ਆਜ਼ਾਦੀ ਦਿਵਸ ਦੇ ਮੌਕੇ ‘ਤੇ ਸਿਰਫ਼ ਛੋਟੇ ਵਾਹਨਾਂ ਲਈ ਖੋਲ੍ਹਿਆ ਗਿਆ ਸੀ ਅਤੇ ਹੁਣ ਸਤੰਬਰ ਤੋਂ ਬੱਸਾਂ ਦੇ ਦਾਖਲੇ ਦੀ ਵੀ ਆਗਿਆ ਦੇ ਦਿੱਤੀ ਗਈ ਹੈ।