Former Jathedar Giani Raghbir Singh files petition in Punjab-Haryana High Court, levels serious allegations against SGPC.

ਸਾਬਕਾ ਜਥੇਦਾਰ ਗਿਆਨੀ ਰਘਬੀਰ ਸਿੰਘ ਨੇ ਪੰਜਾਬ-ਹਰਿਆਣਾ ਹਾਈ ਕੋਰਟ ’ਚ ਦਾਇਰ ਕੀਤੀ ਪਟੀਸ਼ਨ, SGPC ’ਤੇ ਲਾਏ ਗੰਭੀਰ ਆਰੋਪ

ਚੰਡੀਗੜ੍ਹ, 29 ਜੂਨ, 2025 ਸਾਬਕਾ ਸ੍ਰੀ ਅਕਾਲ ਤਖ਼ਤ ਸਾਹਿਬ ਜਥੇਦਾਰ ਗਿਆਨੀ ਰਘਬੀਰ ਸਿੰਘ ਨੇ ਅੱਜ ਪੰਜਾਬ-ਹਰਿਆਣਾ ਹਾਈ ਕੋਰਟ ’ਚ ਇੱਕ ਪਟੀਸ਼ਨ ਦਾਇਰ ਕਰਕੇ ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ (SGPC) ’ਤੇ ਗੰਭੀਰ ਆਰੋਪ ਲਗਾਏ। ਉਨ੍ਹਾਂ ਦਾ ਦਾਅਵਾ ਹੈ ਕਿ SGPC ਉਨ੍ਹਾਂ ਨੂੰ ਸ੍ਰੀ ਹਰਿਮੰਦਰ ਸਾਹਿਬ ਦੇ ਹੈੱਡ ਗ੍ਰੰਥੀ ਦੇ ਅਹੁਦੇ ਤੋਂ ਹਟਾਉਣ ਦੀ ਯੋਜਨਾ ਬਣਾ ਰਹੀ ਹੈ। ਗਿਆਨੀ ਰਘਬੀਰ ਨੇ ਕਿਹਾ, “SGPC ਨੇ ਮੈਨੂੰ ਪਹਿਲਾਂ ਜਥੇਦਾਰ ਦੇ ਅਹੁਦੇ ਤੋਂ ਹਟਾਇਆ ਅਤੇ ਹੁਣ ਹੈੱਡ ਗ੍ਰੰਥੀ ਦੇ ਅਹੁਦੇ ਤੋਂ ਵੀ ਹਟਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ।”

ਉਨ੍ਹਾਂ ਦੀ ਪਟੀਸ਼ਨ ’ਚ SGPC ਦੀਆਂ ਨੀਤੀਆਂ ’ਤੇ ਸਵਾਲ ਚੁੱਕੇ ਗਏ ਹਨ, ਜਿਸ ’ਚ ਕਿਹਾ ਗਿਆ ਕਿ ਇਹ ਕਦਮ ਸਿਆਸੀ ਦਬਾਅ ਅਧੀਨ ਲਏ ਜਾ ਰਹੇ ਹਨ। ਗਿਆਨੀ ਰਘਬੀਰ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਇਸ ਸਬੰਧੀ ਧਮਕੀਆਂ ਵੀ ਮਿਲੀਆਂ ਹਨ। ਇਹ ਮਾਮਲਾ ਸਿੱਖ ਭਾਈਚਾਰੇ ’ਚ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ, ਜਿਸ ਨਾਲ SGPC ’ਤੇ ਦਬਾਅ ਵਧ ਸਕਦਾ ਹੈ। ਹਾਈ ਕੋਰਟ ’ਚ ਸੁਣਵਾਈ ਦੀ ਅਗਲੀ ਤਾਰੀਖ ਦਾ ਐਲਾਨ ਅਜੇ ਬਾਕੀ ਹੈ, ਪਰ ਇਹ ਪਟੀਸ਼ਨ ਸਿੱਖ ਧਾਰਮਿਕ ਅਦਾਰਿਆਂ ’ਚ ਸੰਸਥਾਗਤ ਸੁਧਾਰ ਦੀ ਮੰਗ ਨੂੰ ਜੋਰ ਦੇਂਦੀ ਦਿਖਾਈ ਦੇ ਰਹੀ ਹੈ।