ਯੂਨੀਅਨ ਬਜਟ 2026-27
1 ਫਰਵਰੀ 2026, ਨਵੀਂ ਦਿੱਲੀ – ਵਿੱਤ ਮੰਤਰੀ ਨੇ ਯੂਨੀਅਨ ਬਜਟ 2026-27 ਪੇਸ਼ ਕਰਦਿਆਂ ਕਈ ਵਸਤੂਆਂ ‘ਤੇ ਕਸਟਮ ਡਿਊਟੀ ਅਤੇ ਟੈਕਸ ਵਿੱਚ ਬਦਲਾਅ ਐਲਾਨ ਕੀਤੇ ਹਨ। ਇਸ ਬਜਟ ਵਿੱਚ ਮਹਿੰਗੀਆਂ ਹੋਈਆਂ ਮੁੱਖ ਵਸਤੂਆਂ ਵਿੱਚ ਸ਼ਰਾਬ, ਵਿਦੇਸ਼ੀ ਕਾਰਾਂ, ਸਕ੍ਰੈਪ, ਖਣਿਜ ਅਤੇ ਕਾਸਮੈਟਿਕਸ ਸ਼ਾਮਲ ਹਨ। ਇਨ੍ਹਾਂ ‘ਤੇ ਟੈਕਸ ਵਧਾਉਣ ਨਾਲ ਇਹ ਆਈਟਮਾਂ ਆਮ ਲੋਕਾਂ ਲਈ ਹੋਰ ਮਹਿੰਗੀਆਂ ਹੋ ਜਾਣਗੀਆਂ।
ਦੂਜੇ ਪਾਸੇ ਬਜਟ ਵਿੱਚ ਰਾਹਤ ਵਾਲੀਆਂ ਚੀਜ਼ਾਂ ਵਿੱਚ 7 ਗੰਭੀਰ ਬੀਮਾਰੀਆਂ ਦੀਆਂ ਦਵਾਈਆਂ, ਕੈਂਸਰ ਦੀਆਂ 17 ਦਵਾਈਆਂ, ਸ਼ੂਗਰ ਦੀਆਂ ਦਵਾਈਆਂ, ਸੋਲਰ ਐਨਰਜੀ ਦਾ ਸਾਮਾਨ, ਚਮੜੇ ਦਾ ਸਮਾਨ, ਮੋਬਾਈਲ ਫੋਨ, EV ਬੈਟਰੀ, ਮਾਈਕ੍ਰੋਵੇਵ ਅਤੇ ਜੁੱਤੇ ਸ਼ਾਮਲ ਹਨ। ਇਨ੍ਹਾਂ ‘ਤੇ ਟੈਕਸ ਘਟਾਉਣ ਨਾਲ ਇਹ ਚੀਜ਼ਾਂ ਆਮ ਲੋਕਾਂ ਲਈ ਸਸਤੀਆਂ ਹੋ ਜਾਣਗੀਆਂ।
ਇਹ ਬਦਲਾਅ ਸਿਹਤ, ਰੀਨਿਊਏਬਲ ਐਨਰਜੀ ਅਤੇ ਇਲੈਕਟ੍ਰਿਕ ਵਾਹਨਾਂ ਨੂੰ ਉਤਸ਼ਾਹਿਤ ਕਰਨ ਅਤੇ ਲਗਜ਼ਰੀ ਆਈਟਮਾਂ ‘ਤੇ ਨਿਯੰਤਰਣ ਰੱਖਣ ਦੇ ਟੀਚੇ ਨੂੰ ਦਰਸਾਉਂਦੇ ਹਨ। ਆਮ ਲੋਕਾਂ ਲਈ ਦਵਾਈਆਂ ਅਤੇ ਗ੍ਰੀਨ ਐਨਰਜੀ ਸਾਮਾਨ ਸਸਤਾ ਹੋਣਾ ਰਾਹਤ ਵਾਲੀ ਗੱਲ ਹੈ, ਜਦਕਿ ਸ਼ਰਾਬ ਅਤੇ ਵਿਦੇਸ਼ੀ ਕਾਰਾਂ ਵਰਗੀਆਂ ਲਗਜ਼ਰੀ ਆਈਟਮਾਂ ਦੇ ਮਹਿੰਗੇ ਹੋਣ ਨਾਲ ਉਹਨਾਂ ‘ਤੇ ਅਸਰ ਪਵੇਗਾ।
