“Dangerous Acid Being Sold in Punjab to Make Paneer in 5 Minutes”

“ਪੰਜਾਬ ‘ਚ ਵਿਕ ਰਿਹਾ 5 ਮਿੰਟ ‘ਚ ਪਨੀਰ ਤਿਆਰ ਕਰਨ ਵਾਲਾ ਘਾਤਕ ਤੇਜ਼ਾਬ”

8 ਅਪ੍ਰੈਲ 2026 ਲੁਧਿਆਣਾ – ਪੰਜਾਬ ਵਿਚ ਡੇਅਰੀਆਂ ਤੇ ਢਾਬਿਆਂ ਵਿਚ ਦੁੱਧ ਫਾੜ ਕੇ ਪਨੀਰ ਬਣਾਉਣ ਲਈ ਨਿੰਬੂ ਜਾਂ ਸਿਰਕੇ ਦੀ ਥਾਂ ਘਾਤਕ ਤੇਜ਼ਾਬ (ਐਸਿਡ) ਦੀ ਵਰਤੋਂ ਵਧ ਰਹੀ ਹੈ। ਇਹ ਤੇਜ਼ਾਬ ਸਿਰਫ਼ 5 ਮਿੰਟ ਵਿਚ ਪਨੀਰ ਤਿਆਰ ਕਰ ਦਿੰਦਾ ਹੈ ਤੇ 20 ਫੀਸਦੀ ਵੱਧ ਉਤਪਾਦਨ ਦੇ ਲਾਲਚ ਵਿਚ ਲੋਕਾਂ ਦੀ ਸਿਹਤ ਨਾਲ ਖਿਲਵਾੜ ਕੀਤਾ ਜਾ ਰਿਹਾ ਹੈ।

ਆਮ ਤੌਰ ਤੇ ਨਿੰਬੂ ਜਾਂ ਸਿਰਕਾ ਵਰਤਿਆ ਜਾਂਦਾ ਹੈ, ਪਰ ਹੁਣ ਲਾਭ ਲਈ ਤੇਜ਼ ਤੇ ਘਾਤਕ ਐਸਿਡ ਵਰਤਿਆ ਜਾ ਰਿਹਾ ਹੈ। ਇਸ ਤੇਜ਼ਾਬ ਨਾਲ ਬਣਿਆ ਪਨੀਰ ਖਾਣ ਨਾਲ ਲੋਕਾਂ ਨੂੰ ਪੇਟ ਦੀਆਂ ਬੀਮਾਰੀਆਂ, ਲਿਵਰ ਤੇ ਕਿਡਨੀ ਨੂੰ ਨੁਕਸਾਨ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ ਲੰਬੇ ਸਮੇਂ ਤੱਕ ਵਰਤੋਂ ਨਾਲ ਗੰਭੀਰ ਸਿਹਤ ਸਮੱਸਿਆਵਾਂ ਵੀ ਪੈਦਾ ਹੋ ਸਕਦੀਆਂ ਹਨ।

ਖਬਰਾਂ ਮੁਤਾਬਕ ਇਹ ਤੇਜ਼ਾਬ ਖੁਲ੍ਹੇ ਬਾਜ਼ਾਰ ਵਿਚ ਆਸਾਨੀ ਨਾਲ ਮਿਲ ਰਿਹਾ ਹੈ ਤੇ ਡੇਅਰੀ ਵਾਲੇ ਇਸ ਨੂੰ ਵੱਧ ਲਾਭ ਲਈ ਵਰਤ ਰਹੇ ਹਨ। ਖਪਤਕਾਰ ਇਸ ਗੱਲ ਤੋਂ ਅਣਜਾਣ ਹਨ ਕਿ ਉਹ ਘਾਤਕ ਰਸਾਇਣ ਵਾਲਾ ਪਨੀਰ ਖਾ ਰਹੇ ਹਨ। ਇਸ ਮਾਮਲੇ ਵਿਚ ਖੁਰਾਕ ਤੇ ਡਰੱਗ ਪ੍ਰਸ਼ਾਸਨ ਵੱਲੋਂ ਤੁਰੰਤ ਜਾਂਚ ਤੇ ਕਾਰਵਾਈ ਦੀ ਲੋੜ ਹੈ।