“Centre Increases Arhtiya Commission by 10%, MP Vikram Sahni Welcomes Decision”

“ਕੇਂਦਰ ਵੱਲੋਂ ਆੜ੍ਹਤੀਆਂ ਦੇ ਕਮਿਸ਼ਨ ਦਰਾਂ ‘ਚ 10% ਵਾਧਾ, MP ਵਿਕਰਮ ਸਾਹਨੀ ਨੇ ਕੀਤਾ ਸਵਾਗਤ”

5 ਅਪ੍ਰੈਲ 2026 ਚੰਡੀਗੜ੍ਹ – ਕੇਂਦਰ ਸਰਕਾਰ ਨੇ ਆੜ੍ਹਤੀਆਂ ਦੇ ਕਮਿਸ਼ਨ ਦਰਾਂ ਵਿਚ 10 ਫੀਸਦੀ ਵਾਧਾ ਕਰ ਦਿੱਤਾ ਹੈ। ਲੋਕ ਸਭਾ ਮੈਂਬਰ ਵਿਕਰਮ ਸਾਹਨੀ ਨੇ ਇਸ ਫੈਸਲੇ ਦਾ ਸਵਾਗਤ ਕੀਤਾ ਹੈ ਤੇ ਇਸ ਨੂੰ ਆੜ੍ਹਤੀਆਂ ਲਈ ਰਾਹਤ ਵਜੋਂ ਦੇਖਿਆ ਹੈ।

ਵਿਕਰਮ ਸਾਹਨੀ ਨੇ ਕੇਂਦਰ ਤੋਂ ਆਰਡੀਐਫ ਤੇ ਐਮਡੀਐਫ ਦੇ ਬਕਾਏ ਦੀ ਤੁਰੰਤ ਅਦਾਇਗੀ ਦੀ ਮੰਗ ਕੀਤੀ ਹੈ। ਉਨ੍ਹਾਂ ਕਿਹਾ ਕਿ ਇਹ ਫੰਡ ਅਨਾਜ ਖਰੀਦ ਨਾਲ ਅੰਦਰੂਨੀ ਤੌਰ ਉੱਤੇ ਜੁੜੇ ਹੋਏ ਹਨ ਤੇ ਇਨ੍ਹਾਂ ਦੀ ਅਦਾਇਗੀ ਨਾਲ ਖਰੀਦ ਪ੍ਰਕਿਰਿਆ ਸੁਚਾਰੂ ਰੂਪ ਵਿਚ ਚੱਲ ਸਕਦੀ ਹੈ। ਉਨ੍ਹਾਂ ਇਹ ਵੀ ਮੰਗ ਕੀਤੀ ਕਿ 2021-22 ਤੋਂ ਖਰੀਦ ਸੰਬੰਧੀ ਮਾਮਲਿਆਂ ਲਈ 5,400 ਕਰੋੜ ਰੁਪਏ ਦੇ ਬਕਾਏ ਤੁਰੰਤ ਜਾਰੀ ਕੀਤੇ ਜਾਣ ਤੇ ਸਾਈਲੋ ਸਮਰੱਥਾ ਨੂੰ ਵੀ ਤੁਰੰਤ ਵਧਾਇਆ ਜਾਵੇ।

ਇਸ ਫੈਸਲੇ ਤੋਂ ਆੜ੍ਹਤੀਆਂ ਵਿਚ ਖੁਸ਼ੀ ਦੀ ਲਹਿਰ ਹੈ ਤੇ ਉਨ੍ਹਾਂ ਨੇ ਇਸ ਨੂੰ ਆਪਣੀ ਲੰਮੀ ਮੰਗ ਦੀ ਪੂਰਤੀ ਵਜੋਂ ਦੇਖਿਆ ਹੈ। ਵਿਕਰਮ ਸਾਹਨੀ ਨੇ ਉਮੀਦ ਜਤਾਈ ਕਿ ਕੇਂਦਰ ਬਾਕੀ ਲੰਬਿਤ ਮੁੱਦਿਆਂ ਉੱਤੇ ਵੀ ਤੁਰੰਤ ਧਿਆਨ ਦੇਵੇਗਾ ਤਾਂ ਜੋ ਖੇਤੀਬਾੜੀ ਨਾਲ ਜੁੜੀਆਂ ਧਿਰਾਂ ਨੂੰ ਰਾਹਤ ਮਿਲ ਸਕੇ।