Designer water tanks of Punjab have become as popular as lassi and phulkari

ਲੱਸੀ-ਫੁਲਕਾਰੀ ਵਾਂਗ ਮਸ਼ਹੂਰ ਹੋਈਆਂ ਪੰਜਾਬ ਦੀਆਂ ਡਿਜ਼ਾਈਨਰ ਪਾਣੀ ਦੀਆਂ ਟੈਂਕੀਆਂ

ਜਲੰਧਰ (ਆਵਾਜ਼ਿ ਕੌਮ ਬਿਊਰੋ)- ਪੰਜਾਬ ਦੀ ਲੱਸੀ, ਫੁਲਕਾਰੀ, ਮੱਕੀ ਦੀ ਰੋਟੀ ਵਾਂਗ ਘਰਾਂ ‘ਤੇ ਲੱਗੀਆਂ ਪਾਣੀ ਦੀਆਂ ਟੈਂਕੀਆਂ ਵੀ ਕਾਫ਼ੀ ਮਸ਼ਹੂਰ ਹੋ ਰਹੀਆਂ ਹਨ। ਜੇਕਰ ਕੋਈ ਪੰਜਾਬ ‘ਚੋਂ ਲੰਘਦਾ ਹੈ ਤਾਂ ਦੀਆਂ ਛੱਤਾਂ ਦੇ ਇਕ ਅਜੀਬ ਦੇ ਦਿਲਚਸਪਮ ਨਜ਼ਾਰਾ ਦੇਖਣ ਨੂੰ ਮਿਲਦਾ ਹੈ। ਇੱਥੇ ਲੋਕਾਂ ਨੇ ਘਰਾਂ ਦੀਆਂ ਛੱਤਾਂ ‘ਤੇ ਹਵਾਈ ਜਹਾਜ਼, ਸ਼ੇਰ, ਟਰੈਕਟਰ, ਫੁੱਟਬਾਲ, ਚਾਹ ਦੀ ਕੇਤਲੀ, ਆਮ ਦੇਖਣ ਨੂੰ ਮਿਲਦੀ ਹੈ, ਪਰ ਅਸਲ ‘ਚ ਇਹ ਹਨ ਇਕ ਪਾਣੀ ਦੀ ਟੈਂਕੀ ਹੈ। ਆਮ ਜਿਹੀਆਂ ਲੱਗਣ ਵਾਲੀਆਂ ਇਹ ਟੈਂਕੀਆਂ ਲੋਕਾਂ ਦਾ ਧਿਆਨ ਖਿੱਚਦਿਆਂ ਹਨ ਅਤੇ ਘਰਾਂ ‘ਚ ਰੋਜ਼ਾਨਾ ਪਾਣੀ ਦੀ ਸਪਲਾਈ ਦਾ ਹਿੱਸਾ ਹਨ। ਪੰਜਾਬ ‘ਚ ਲੋਕ ਅਜਿਹੇ ਟੈਂਕ ਸਿਰਫ਼ ਦਿਖਾਵੇ ਲਈ ਨਹੀਂ ਬਣਾਉਂਦੇ। ਅਕਸਰ, ਇਹ ਉਨ੍ਹਾਂ ਦੇ ਜੀਵਨ, ਪੇਸ਼ਿਆਂ ਜਾਂ ਸੁਪਨਿਆਂ ਦਾ ਪ੍ਰਤੀਕ ਹੁੰਦੇ ਹਨ। ਜੇ ਕਿਸੇ ਦਾ ਪੁੱਤਰ ਹਵਾਈ ਸੈਨਾ ਵਿੱਚ ਹੈ, ਤਾਂ ਉਨ੍ਹਾਂ ਦੇ ਘਰ ਦੀ ਛੱਤ ‘ਤੇ ਇੱਕ ਹਵਾਈ ਜਹਾਜ਼ ਬਣਿਆ ਹੁੰਦਾ ਹੈ। ਕਿਸਾਨ ਪਰਿਵਾਰ ਟਰੈਕਟਰ ਜਾਂ ਟਰਾਲੀ ਵਰਗੇ ਆਕਾਰ ਦੇ ਟੈਂਕ ਬਣਾਉਂਦੇ ਹਨ, ਅਤੇ ਖੇਡ ਪ੍ਰੇਮੀ ਫੁੱਟਬਾਲ ਜਾਂ ਕ੍ਰਿਕਟ ਬਾਲ ਡਿਜ਼ਾਈਨ ਚੁਣਦੇ ਹਨ। ਇਸ ਤਰ੍ਹਾਂ ਛੱਤ ਵਾਲਾ ਟੈਂਕ ਘਰ ਦੇ ਮਾਲਕ ਦੀ ਪਛਾਣ ਦਾ ਪ੍ਰਤੀਕ ਬਣ ਜਾਂਦਾ ਹੈ। ਪੰਜਾਬ ‘ਚ ਇਹ ਵਿਲੱਖਣ ਰੁਝਾਨ 1990 ਦੇ ਦਹਾਕੇ ‘ਚ ਸ਼ੁਰੂ ਹੋਇਆ ਮੰਨਿਆ ਜਾਂਦਾ ਹੈ। ਕਿਹਾ ਜਾਂਦਾ ਹੈ ਕਿ ਇੱਕ ਸੇਵਾਮੁਕਤ ਸਿਪਾਹੀ ਨੇ ਆਪਣੇ ਘਰ ਦੀ ਛੱਤ ‘ਤੇ ਇੱਕ ਹਵਾਈ ਜਹਾਜ਼ ਦੇ ਆਕਾਰ ਦੀ ਪਾਣੀ ਦੀ ਟੈਂਕੀ ਬਣਾਈ ਸੀ। ਹੌਲੀ-ਹੌਲੀ ਹੋਰ ਲੋਕਾਂ ਨੇ ਵੀ ਆਪਣੇ ਘਰਾਂ ‘ਚ ਵੱਖ-ਵੱਖ ਡਿਜ਼ਾਈਨਾਂ ਦੇ ਟੈਂਕ ਲਗਾਉਣੇ ਸ਼ੁਰੂ ਕਰ ਦਿੱਤੇ।