“Hari Singh Declared Dead After 8 Days Search in Maldives, Antim Ardas Held in Chandigarh”

“8 ਦਿਨਾਂ ਦੀ ਖੋਜ ਤੋਂ ਬਾਅਦ ਹਰੀ ਸਿੰਘ ਨੂੰ ਮ੍ਰਿਤਕ ਮੰਨਿਆ ਗਿਆ, ਚੰਡੀਗੜ੍ਹ ਵਿਚ ਹੋਈ ਅੰਤਿਮ ਅਰਦਾਸ”

31 ਮਾਰਚ 2026 ਚੰਡੀਗੜ੍ਹ – ਮਾਲਦੀਵ ਵਿਚ 23 ਮਾਰਚ ਨੂੰ ਵਾਪਰੇ ਸਪੀਡਬੋਟ ਹਾਦਸੇ ਵਿਚ ਲਾਪਤਾ ਇੰਡੀਅਨ ਰੈਲੀ ਖਿਡਾਰੀ ਹਰੀ ਸਿੰਘ ਨੂੰ 8 ਦਿਨਾਂ ਦੀ ਲਗਾਤਾਰ ਖੋਜ ਤੋਂ ਬਾਅਦ ਮ੍ਰਿਤਕ ਮੰਨ ਲਿਆ ਗਿਆ ਹੈ। ਚੰਡੀਗੜ੍ਹ ਵਿਚ ਉਨ੍ਹਾਂ ਦੀ ਅੰਤਿਮ ਅਰਦਾਸ ਤੇ ਸ਼ਰਧਾਂਜਲੀ ਭਰੀ ਗਈ। ਹਰੀ ਸਿੰਘ ਨੂੰ ਭਾਰਤੀ ਰੈਲੀ ਸਰਕਟ ਵਿਚ ‘ਜਿਪਸੀ ਕਿੰਗ’ ਵਜੋਂ ਜਾਣਿਆ ਜਾਂਦਾ ਸੀ।

ਹਾਦਸਾ ਉਦੋਂ ਵਾਪਰਿਆ ਜਦੋਂ ਰੇਮੰਡ ਗਰੁੱਪ ਦੇ ਚੇਅਰਮੈਨ ਗੌਤਮ ਸਿੰਘਾਨੀਆ ਕਥਿਤ ਤੌਰ ਉੱਤੇ ਸਪੀਡਬੋਟ ਚਲਾ ਰਹੇ ਸਨ ਤੇ ਬੋਟ ਪਲਟ ਗਈ। ਇਸ ਵਿਚ ਹਰੀ ਸਿੰਘ ਲਾਪਤਾ ਹੋ ਗਏ ਸਨ। ਮਾਲਦੀਵੀ ਅਥਾਰਟੀਆਂ ਤੇ ਭਾਰਤੀ ਟੀਮ ਵੱਲੋਂ 8 ਦਿਨ ਤੱਕ ਤਲਾਸ਼ੀ ਮੁਹਿੰਮ ਚਲਾਈ ਗਈ, ਪਰ ਉਨ੍ਹਾਂ ਦੀ ਲਾਸ਼ ਨਾ ਮਿਲਣ ਤੋਂ ਬਾਅਦ ਉਨ੍ਹਾਂ ਨੂੰ ਮ੍ਰਿਤਕ ਮੰਨ ਲਿਆ ਗਿਆ।

ਹਰੀ ਸਿੰਘ ਭਾਰਤੀ ਮੋਟਰਸਪੋਰਟਸ ਦੇ ਸਭ ਤੋਂ ਮਸ਼ਹੂਰ ਖਿਡਾਰੀਆਂ ਵਿਚੋਂ ਇੱਕ ਸਨ। ਉਨ੍ਹਾਂ ਨੇ ਰੈਲੀ ਖੇਡ ਵਿਚ ਬਹੁਤ ਵੱਡੀਆਂ ਉਪਲਬਧੀਆਂ ਹਾਸਲ ਕੀਤੀਆਂ ਸਨ। ਉਨ੍ਹਾਂ ਦੀ ਮੌਤ ਦੀ ਖ਼ਬਰ ਤੋਂ ਖੇਡ ਜਗਤ ਤੇ ਪੰਜਾਬ ਵਿਚ ਸੋਗ ਦੀ ਲਹਿਰ ਫੈਲ ਗਈ ਹੈ। ਅੰਤਿਮ ਅਰਦਾਸ ਵਿਚ ਰਾਜਨੀਤਿਕ ਤੇ ਖੇਡ ਖੇਤਰ ਤੋਂ ਵੱਡੀ ਗਿਣਤੀ ਵਿਚ ਲੋਕ ਸ਼ਾਮਲ ਹੋਏ।