‘ਮਹਾਭਾਰਤ’ ਦੇ ‘ਕਰਨ’ ਪੰਕਜ ਧੀਰ ਦਾ ਦੇਹਾਂਤ: 68 ਵਰ੍ਹਿਆਂ ਦੀ ਉਮਰ ਵਿੱਚ ਕੈਂਸਰ ਨਾਲ ਲੜਦਿਆਂ ਅੰਤਿਮ ਸਾਹ ਲਿਆ
ਮੁੰਬਈ – ਟੈਲੀਵਿਜ਼ਨ ਜਗਤ ਤੋਂ ਇੱਕ ਦੁੱਖਦਾਈ ਖ਼ਬਰ ਸਾਹਮਣੇ ਆਈ ਹੈ। ਮਸ਼ਹੂਰ ਅਦਾਕਾਰ ਪੰਕਜ ਧੀਰ, ਜਿਨ੍ਹਾਂ ਨੇ ਮਹਾਨ ਧਾਰਾਵਾਹਿਕ ‘ਮਹਾਭਾਰਤ’ ਵਿੱਚ ਕਰਨ ਦੀ ਅਮਰ ਭੂਮਿਕਾ ਨਿਭਾਈ ਸੀ, ਹੁਣ ਇਸ ਸੰਸਾਰ ਵਿੱਚ ਨਹੀਂ ਰਹੇ। ਉਹ 68 ਸਾਲ ਦੀ ਉਮਰ ਵਿੱਚ ਕੈਂਸਰ ਨਾਲ ਲੰਬੀ ਲੜਾਈ ਲੜਨ ਤੋਂ ਬਾਅਦ ਅੱਜ ਸਵੇਰੇ ਆਖਰੀ ਸਾਹ ਲੈ ਗਏ।
ਪੰਕਜ ਧੀਰ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 1980 ਦੇ ਦਹਾਕੇ ਵਿੱਚ ਕੀਤੀ ਅਤੇ ਬੀ.ਆਰ. ਚੋਪੜਾ ਦੀ ‘ਮਹਾਭਾਰਤ’ ਨਾਲ ਉਹ ਘਰ-ਘਰ ਵਿੱਚ ਜਾਣੇ ਜਾਣ ਲੱਗੇ। ਉਨ੍ਹਾਂ ਨੇ ਕਈ ਟੀਵੀ ਸੀਰੀਅਲਾਂ ਅਤੇ ਫ਼ਿਲਮਾਂ ਵਿੱਚ ਭੂਮਿਕਾਵਾਂ ਨਿਭਾਈਆਂ, ਜਿਵੇਂ ਕਿ ਬਾਹੁਬਲੀ, ਬੇਟਾ ਹੋ ਤੋ ਐਸਾ, ਅਤੇ ਸੌਦਾਗਰ।
ਉਹਨਾਂ ਦਾ ਪੁੱਤਰ ਨਿਕਿਲ ਧੀਰ ਵੀ ਬਾਲੀਵੁੱਡ ਵਿੱਚ ਅਦਾਕਾਰੀ ਕਰਦਾ ਹੈ। ਮਨੋਰੰਜਨ ਜਗਤ ਦੇ ਕਈ ਸਿਤਾਰਿਆਂ ਨੇ ਪੰਕਜ ਧੀਰ ਦੇ ਦੇਹਾਂਤ ’ਤੇ ਦੁੱਖ ਪ੍ਰਗਟ ਕੀਤਾ ਹੈ ਅਤੇ ਉਨ੍ਹਾਂ ਦੀ ਅਦਾਕਾਰੀ ਨੂੰ ਅਮਰ ਯਾਦਾਂ ਵਜੋਂ ਸਲਾਮ ਕੀਤਾ ਹੈ।
