ਸਿੱਖ ਨੌਜਵਾਨ ਸਭਾ ਜੰਮੂ ਅਤੇ ਗੁਰਦਵਾਰਾ ਪ੍ਰਬੰਧਕ ਕਮੇਟੀ ਅਖਨੂਰ ਜੰਮੂ ਵੱਲੋਂ ਸਿੱਖੀ ਪ੍ਰਚਾਰ ਦਾ ਇਹ ਬਹੁਤ ਸੋਹਣਾ ਉਪਰਾਲਾ ਕੀਤਾ ਗਿਆ | ਇਸ ਸਮੇ ਭਾਵੇਂ ਮੀਂਹ ਅਤੇ ਹਨੇਰੀ ਵਗਦੀ ਰਹੀ, ਸੰਗਤਾਂ ਅਡੋਲ ਖੜੀਆਂ ਰਹੀਆਂ ਅਤੇ ਸਿੱਖੀ ਪ੍ਰਚਾਰ ਵਿਚ ਮੌਜੂਦ ਰਹੀਆਂ | ਸੰਗਤਾਂ ਦੇ ਵਿਚ ਇੰਨਾ ਉਤਸ਼ਾਹ ਅਤੇ ਸਤਿਕਾਰ ਦੇਖ ਕੇ ਬੇਹੱਦ ਖੁਸ਼ੀ ਹੋਈ | ਸੋਹਲ ਦੀਆਂ ਸੰਗਤਾਂ ਨੇ ਦਾਸ ਅਤੇ ਫੈਡਰੇਸ਼ਨ ਦੀ ਟੀਮ ਨੂੰ ਭਰਪੂਰ ਮਾਣ ਬਖਸ਼ਿਆ | ਸੰਗਤਾਂ ਨੇ ਫੈਡਰੇਸ਼ਨ ਵੱਲੋਂ ਦਿੱਤੇ ਨਾਅਰੇ “ਸਾਡੀ ਦਸਤਾਰ ਸਾਡਾ ਤਾਜ” ਅਤੇ “ਸਿਰ ਜਾਵੇ ਤਾਂ ਜਾਵੇ ਸਾਡਾ ਸਿੱਖੀ ਸਿਦਕ ਨਾ ਜਾਵੇ” ਦੇ ਨਾਲ ਪ੍ਰਚਾਰ ਨੂੰ ਚਾਰ ਚੰਦ ਲਗਾਏ | ਆਲ ਇੰਡੀਆ ਸਿੱਖ ਸਟੂਡੈਂਟਸ ਫੈਡਰੇਸ਼ਨ ਇਸ ਉਪਰਾਲੇ ਦੇ ਲਈ ਸਮੂਹ ਸਿੱਖ ਨੌਜਵਾਨ ਸਭਾ, ਡਿਸਟ੍ਰਿਕਟ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਸ ਰਣਜੀਤ ਸਿੰਘ ਤੋੜਾ ਅਤੇ ਜੋਆਇੰਟ ਸਕੱਤਰ ਮਾਸਟਰ ਰਨਵੀਰ ਸਿੰਘ ਦਾ ਧੰਨਵਾਦ ਕਰਦੀ ਹੈ |
