Punjab cities fare badly in clean air survey, Patiala ranks 25th, Ludhiana 33rd and Jalandhar 37th

ਸਾਫ਼ ਹਵਾ ਸਰਵੇਖਣ ’ਚ ਪੰਜਾਬ ਦੇ ਸ਼ਹਿਰਾਂ ਦਾ ਹਾਲ ਮਾੜਾ, ਪਟਿਆਲਾ 25ਵੇਂ, ਲੁਧਿਆਣਾ 33ਵੇਂ ਤੇ ਜਲੰਧਰ 37ਵੇਂ ਨੰਬਰ ’ਤੇ

ਚੰਡੀਗੜ੍ਹ (ਆਵਾਜ਼ਿ ਕੌਮ ਬਿਊਰੋ)-ਸਾਫ਼ ਹਵਾ ਸਰਵੇਖਣ-2026 ਦੇ ਨਤੀਜਿਆਂ ’ਚ ਹਰਿਆਣਾ ਦੇ ਸਿਰਫ ਇਕ ਜ਼ਿਲ੍ਹੇ ਨੂੰ ਹੀ ਸਥਾਨ ਮਿਲਿਆ ਹੈ। ਦੇਸ਼ ਭਰ ਦੇ ਸ਼ਹਿਰਾਂ ਦੀ ਰੈਂਕਿੰਗ ’ਚ ਸੂਬੇ ਤੋਂ ਸਿਰਫ ਫ਼ਰੀਦਾਬਾਦ ਨੂੰ ਜਗ੍ਹਾ ਮਿਲੀ ਹੈ। 10 ਲੱਖ ਤੋਂ ਵੱਧ ਆਬਾਦੀ ਵਾਲੇ ਸ਼ਹਿਰਾਂ ਦੀ ਸ਼੍ਰੇਣੀ ’ਚ ਫ਼ਰੀਦਾਬਾਦ ਨੇ 179.7 ਅੰਕ ਹਾਸਲ ਕਰਕੇ 14ਵਾਂ ਰੈਂਕ ਪ੍ਰਾਪਤ ਕੀਤਾ ਹੈ। ਪੰਜਾਬ ਵਿਚ ਲੁਧਿਆਣਾ 151.2 ਅੰਕਾਂ ਨਾਲ 33ਵੇਂ ਸਥਾਨ ’ਤੇ ਰਿਹਾ। ਉੱਥੇ ਹੀ, ਪਟਿਆਲਾ 165.4 ਅੰਕਾਂ ਨਾਲ 25ਵੇਂ ਅਤੇ ਜਲੰਧਰ 124.5 ਅੰਕਾਂ ਨਾਲ 37ਵੇਂ ਸਥਾਨ ’ਤੇ ਰਿਹਾ। ਇਸ ਸ਼੍ਰੇਣੀ ਵਿਚ ਲਖਨਊ 198 ਅੰਕਾਂ ਨਾਲ ਪਹਿਲੇ, ਇੰਦੌਰ 197 ਅੰਕਾਂ ਨਾਲ ਦੂਜੇ ਅਤੇ ਜਬਲਪੁਰ 195 ਅੰਕਾਂ ਨਾਲ ਤੀਜੇ ਸਥਾਨ ’ਤੇ ਰਿਹਾ। ਹਰਿਆਣਾ ਦੇ ਫ਼ਰੀਦਾਬਾਦ ਸ਼ਹਿਰ ਦਾ ਰੈਂਕ 14ਵਾਂ ਹੈ, ਜਿਸ ਨੂੰ ਤਸੱਲੀਬਖ਼ਸ਼ ਨਹੀਂ ਕਿਹਾ ਜਾ ਸਕਦਾ। ਸਰਵੇਖਣ ਦੇ ਨਤੀਜਿਆਂ ਮੁਤਾਬਕ 10 ਲੱਖ ਤੋਂ ਵੱਧ ਆਬਾਦੀ ਵਾਲੇ ਸ਼ਹਿਰਾਂ ਦੀ ਸੂਚੀ ’ਚ ਕੁੱਲ 48 ਸ਼ਹਿਰ ਸ਼ਾਮਲ ਹਨ।