DJI India ਦਾ ਖ੍ਰੀਦਦਾਰਾਂ ਨੂੰ ਅਹਿਮ ਸੁਨੇਹਾ – Amazon ‘ਤੇ ਸਿਰਫ਼ ਇਸ ਸੈਲਰ ਤੋਂ ਹੀ ਖ੍ਰੀਦੋ
22 ਜਨਵਰੀ 2026 – DJI India ਨੇ ਆਪਣੇ ਅਧਿਕਾਰਤ ਸੋਸ਼ਲ ਮੀਡੀਆ ਹੈਂਡਲਾਂ ਤੇ ਖ੍ਰੀਦਦਾਰਾਂ ਨੂੰ ਵੱਡੀ ਚੇਤਾਵਨੀ ਜਾਰੀ ਕੀਤੀ ਹੈ। ਕੰਪਨੀ ਅਨੁਸਾਰ Amazon India ਤੋਂ DJI ਪ੍ਰੋਡਕਟ ਖ੍ਰੀਦਣ ਲਈ ਸਿਰਫ਼ ਅਤੇ ਸਿਰਫ਼ Clicktech Retail Private Ltd. ਨਾਂ ਦੇ ਸੈਲਰ ਨੂੰ ਚੁਣੋ। ਇਸੇ ਸੈਲਰ ਤੋਂ ਖ੍ਰੀਦਣ ਨਾਲ ਅਸਲੀ ਪ੍ਰੋਡਕਟ ਅਤੇ ਪੂਰੀ ਵਰੰਟੀ ਮਿਲੇਗੀ ਅਤੇ ਸਮੂਥ ਸਹਾਇਤਾ ਅਨੁਭਵ ਹੋਵੇਗਾ।
ਕੰਪਨੀ ਨੇ ਸਪੱਸ਼ਟ ਕਿਹਾ ਹੈ ਕਿ ਹੋਰ ਸੈਲਰਾਂ ਤੋਂ ਖ੍ਰੀਦੇ ਗਏ ਪ੍ਰੋਡਕਟਾਂ ‘ਤੇ ਵਰੰਟੀ ਜਾਂ ਅਧਿਕਾਰਤ ਸਹਾਇਤਾ ਨਹੀਂ ਮਿਲੇਗੀ। ਇਹ ਸੁਨੇਹਾ ਨਾ ਸਿਰਫ਼ DJI ਲਈ ਹੈ, ਸਗੋਂ ਹੋਰ ਬਹੁਤ ਸਾਰੇ ਬਰਾਂਡ ਵੀ ਆਪਣੀ ਵੈੱਬਸਾਈਟ ਤੇ ਅਧਿਕਾਰਤ ਆਨਲਾਈਨ ਅਤੇ ਆਫਲਾਈਨ ਸੈਲਰਾਂ ਦੀ ਜਾਣਕਾਰੀ ਦਿੰਦੇ ਹਨ। ਅਕਸਰ ਵਰੰਟੀ ਸਿਰਫ਼ ਅਧਿਕਾਰਤ ਸੈਲਰ ਰਾਹੀਂ ਖ੍ਰੀਦੇ ਪ੍ਰੋਡਕਟ ਨੂੰ ਹੀ ਮਿਲਦੀ ਹੈ।
ਇਸੇ ਤਰ੍ਹਾਂ Garmin ਵਰਗੇ ਬਰਾਂਡ ਵੀ ਅਧਿਕਾਰਤ ਇੰਪੋਰਟਰ ਰਾਹੀਂ ਖ੍ਰੀਦੇ ਪ੍ਰੋਡਕਟਾਂ ‘ਤੇ ਹੀ ਵਰੰਟੀ ਦਿੰਦੇ ਹਨ। ਇਸੇ ਤਰ੍ਹਾਂ iPhone ਦੀ ਇੰਟਰਨੈਸ਼ਨਲ ਵਰੰਟੀ ਦੇ ਮਸਲੇ ‘ਤੇ ਅਕਸਰ ਸਵਾਲ ਆਉਂਦੇ ਹਨ। Apple ਦੀ ਵੈੱਬਸਾਈਟ ਅਨੁਸਾਰ ਉਹ ਕਿਸੇ ਇੱਕ ਮੁਲਕ ਵਿੱਚ ਖ੍ਰੀਦੇ ਫੋਨ ਦੀ ਵਰੰਟੀ ਦੂਜੇ ਮੁਲਕ ਵਿੱਚ ਦੇਣ ਲਈ ਮਜਬੂਰ ਨਹੀਂ ਹਨ ਅਤੇ ਇਨਕਾਰ ਵੀ ਕਰ ਸਕਦੇ ਹਨ। ਇਸ ਲਈ ਹਮੇਸ਼ਾ ਅਧਿਕਾਰਤ ਸਟੋਰ ਜਾਂ ਡੀਲਰ ਤੋਂ ਹੀ ਖ੍ਰੀਦੋ।
ਡੀਜੇਆਈ ਇੰਡੀਆ ਨੇ ਆਪਣੇ ਅਧਿਕਾਰਤ ਹੈਂਡਲ ਤੇ ਲਿਖਿਆ ਹੈ: BUYER ALERT! To receive genuine DJI products with valid warranty and support, ensure the Amazon seller is Clicktech Retail Private Ltd.
ਖ੍ਰੀਦਦਾਰਾਂ ਨੂੰ ਸਲਾਹ ਦਿੱਤੀ ਜਾ ਰਹੀ ਹੈ ਕਿ ਅਧਿਕਾਰਤ ਸੈਲਰ ਤੋਂ ਹੀ ਖ੍ਰੀਦ ਕੇ ਵਰੰਟੀ ਅਤੇ ਸਹਾਇਤਾ ਨੂੰ ਸੁਰੱਖਿਅਤ ਰੱਖਣ।
