“Politics Heats Up in Assam Polls, Assam Police Raids Congress Leader Pawan Khera’s Delhi Home”
“ਅਸਮ ਚੋਣਾਂ ਵਿਚ ਸਿਆਸਤ ਤੇਜ਼, ਕਾਂਗਰਸੀ ਆਗੂ ਪਵਨ ਖੇੜਾ ਦੇ ਦਿੱਲੀ ਘਰ ‘ਤੇ ਅਸਮ ਪੁਲਿਸ ਦਾ ਛਾਪਾ”
7 ਅਪ੍ਰੈਲ 2026 ਚੰਡੀਗੜ੍ਹ – ਅਸਮ ਵਿਧਾਨ ਸਭਾ ਚੋਣਾਂ ਵਿਚ ਸਿਆਸਤ ਤੇਜ਼ ਹੋ ਗਈ ਹੈ। ਅਸਮ ਮੁੱਖ ਮੰਤਰੀ ਹਿਮੰਤ ਬਿਸਵਾ ਸਰਮਾ ਦੀ ਪਤਨੀ ਰਿਨਿਕੀ ਭੁਯਾਨ ਸਰਮਾ ਵੱਲੋਂ ਦਰਜ ਸ਼ਿਕਾਇਤ ਤੋਂ ਬਾਅਦ ਅਸਮ ਪੁਲਿਸ ਨੇ ਕਾਂਗਰਸ ਆਗੂ ਪਵਨ ਖੇੜਾ ਦੇ ਦਿੱਲੀ ਵਾਲੇ ਘਰ ‘ਤੇ ਛਾਪਾ ਮਾਰਿਆ ਹੈ। ਖੇੜਾ ਵੱਲੋਂ ਸਰਮਾ ਦੀ ਪਤਨੀ ਉੱਤੇ ਵਿਦੇਸ਼ੀ ਪਾਸਪੋਰਟ ਤੇ ਵਿਦੇਸ਼ੀ ਸੰਪੱਤੀਆਂ ਦੇ ਲਗਾਏ ਗਏ ਇਲਜ਼ਾਮਾਂ ਤੋਂ ਬਾਅਦ ਉਨ੍ਹਾਂ ਵਿਰੁੱਧ ਧੋਖਾਧੜੀ ਸਮੇਤ ਕਈ ਧਾਰਾਵਾਂ ਤਹਿਤ ਕੇਸ ਦਰਜ ਹੋਇਆ ਹੈ।
ਪੁਲਿਸ ਟੀਮ ਜਦੋਂ ਖੇੜਾ ਦੇ ਘਰ ਪਹੁੰਚੀ ਤਾਂ ਉਹ ਉੱਥੇ ਮੌਜੂਦ ਨਹੀਂ ਸਨ ਤੇ ਉਨ੍ਹਾਂ ਦੀ ਲੋਕੇਸ਼ਨ ਬਾਰੇ ਸਸਪੈਂਸ ਬਣਿਆ ਹੋਇਆ ਹੈ। ਕਾਂਗਰਸ ਨੇ ਇਸ ਛਾਪੇ ਨੂੰ ਰਾਜਨੀਤਿਕ ਬਦਲੇ ਦੀ ਕਾਰਵਾਈ ਦੱਸਿਆ ਹੈ, ਜਦਕਿ ਭਾਜਪਾ ਇਸ ਨੂੰ ਫਰਜ਼ੀ ਇਲਜ਼ਾਮਾਂ ਉੱਤੇ ਕਾਨੂੰਨੀ ਕਾਰਵਾਈ ਬਤਾਉਂਦੀ ਹੈ। ਇਸ ਤੋਂ ਬਾਅਦ ਅਸਮ ਵਿਚ ਰਾਜਨੀਤਿਕ ਤਣਾਅ ਵਧ ਗਿਆ ਹੈ।
ਪਵਨ ਖੇੜਾ ਨੇ ਅਸਮ ਸੀਐੱਮ ਦੀ ਪਤਨੀ ਉੱਤੇ ਤਿੰਨ ਵਿਦੇਸ਼ੀ ਪਾਸਪੋਰਟ ਤੇ ਵੱਡੀਆਂ ਸੰਪੱਤੀਆਂ ਦੇ ਇਲਜ਼ਾਮ ਲਗਾਏ ਸਨ, ਜਿਸ ਤੋਂ ਬਾਅਦ ਰਿਨਿਕੀ ਭੁਯਾਨ ਸਰਮਾ ਵੱਲੋਂ ਅਸਮ ਪੁਲਿਸ ਵਿਚ ਸ਼ਿਕਾਇਤ ਦਰਜ ਕਰਵਾਈ ਗਈ ਸੀ। ਇਸ ਮਾਮਲੇ ਵਿਚ ਅਗਲੀਆਂ ਘਟਨਾਵਾਂ ਉੱਤੇ ਸਭ ਦੀਆਂ ਨਜ਼ਰਾਂ ਟਿਕੀਆਂ ਹੋਈਆਂ ਹਨ।
