ਸਾਰੇ ਅਹਿਮ ਫੈਸਲੇ ਪਾਰਟੀ ਪਲੇਟਫਾਰਮ ’ਤੇ ਹੀ ਹੋਣਗੇ: ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਗਿਆਨੀ ਹਰਪ੍ਰੀਤ ਸਿੰਘ
ਸਾਰੇ ਅਹਿਮ ਫੈਸਲੇ ਪਾਰਟੀ ਪਲੇਟਫਾਰਮ ’ਤੇ ਹੀ ਹੋਣਗੇ: ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ ਗਿਆਨੀ ਹਰਪ੍ਰੀਤ ਸਿੰਘ
ਅੰਮ੍ਰਿਤਸਰ, 5 ਅਕਤੂਬਰ (ਖ਼ਾਸ ਰਿਪੋਰਟ) —
ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਜੀ ਨੇ ਅੱਜ ਪਾਰਟੀ ਦੇ ਮੂਲ ਸਿਧਾਂਤਾਂ ’ਤੇ ਕਾਇਮ ਰਹਿਣ ਦੀ ਪੁਸ਼ਟੀ ਕਰਦਿਆਂ ਕਿਹਾ ਕਿ ਸਾਰੇ ਅਹਿਮ ਫੈਸਲੇ ਹਮੇਸ਼ਾਂ ਪਾਰਟੀ ਪਲੇਟਫਾਰਮ ’ਤੇ ਹੀ ਹੁੰਦੇ ਹਨ ਅਤੇ ਅਗਾਂਹ ਵੀ ਉੱਥੇ ਹੀ ਹੋਣਗੇ।
⸻
“ਅਸੀਂ ‘ਸ੍ਰੀ ਅਨੰਦਪੁਰ ਸਾਹਿਬ ਦੇ ਮਤੇ’ ’ਤੇ ਮਰਦੇ ਦਮ ਤੱਕ ਕਾਇਮ ਰਹਾਂਗੇ।”
— ਪ੍ਰਧਾਨ ਸ਼੍ਰੋਮਣੀ ਅਕਾਲੀ ਦਲ, ਸਿੰਘ ਸਾਹਿਬ ਗਿਆਨੀ ਹਰਪ੍ਰੀਤ ਸਿੰਘ ਜੀ
⸻
ਉਨ੍ਹਾਂ ਨੇ ਕਿਹਾ ਕਿ ਅਕਾਲੀ ਦਲ ਸਦਾ ਤੋਂ ਪੰਥਕ ਤੇ ਲੋਕਤਾਂਤਰਿਕ ਜਥੇਬੰਦੀ ਰਹੀ ਹੈ। “ਇਹ ਪਾਰਟੀ ਗੁਰਮਤ ਅਸੂਲਾਂ ਤੇ ਖਾਲਸਾ ਪੰਥ ਦੀਆਂ ਬਲੀਦਾਨੀ ਪਰੰਪਰਾਵਾਂ ’ਤੇ ਅਧਾਰਿਤ ਹੈ। ਸਾਡੇ ਲਈ ਪੰਥ ਦੇ ਹਿਤਾਂ ਤੋਂ ਵੱਡਾ ਕੁਝ ਨਹੀਂ,” ਉਨ੍ਹਾਂ ਨੇ ਜੋੜਿਆ।
ਪ੍ਰਧਾਨ ਗਿਆਨੀ ਹਰਪ੍ਰੀਤ ਸਿੰਘ ਨੇ ਕਿਹਾ ਕਿ ‘ਸ੍ਰੀ ਅਨੰਦਪੁਰ ਸਾਹਿਬ ਦਾ ਮਤਾ’ ਸਿਰਫ਼ ਰਾਜਨੀਤਕ ਨਹੀਂ, ਸਿੱਖ ਕੌਮ ਦੀ ਆਤਮਕ ਤੇ ਰਾਜਨੀਤਕ ਅਜ਼ਾਦੀ ਦਾ ਪ੍ਰਤੀਕ ਹੈ, ਅਤੇ ਇਸ ਮਤੇ ਉੱਤੇ ਟਿਕੇ ਰਹਿਣਾ ਹੀ ਅਕਾਲੀ ਦਲ ਦੀ ਅਸਲੀ ਪਹਿਚਾਣ ਹੈ।
ਉਨ੍ਹਾਂ ਨੇ ਕਿਹਾ ਕਿ ਪਾਰਟੀ ਅੰਦਰ ਹਰ ਫੈਸਲਾ ਸਹਿਮਤੀ ਨਾਲ ਤੇ ਸੰਗਠਨਾਤਮਕ ਅਨੁਸ਼ਾਸਨ ਅਧਾਰਤ ਹੋਵੇਗਾ, ਤਾਂ ਜੋ ਪੰਥਕ ਇਕਤਾ ਮਜ਼ਬੂਤ ਹੋ ਸਕੇ।
