Another international cricket stadium to be built in Punjab! PCA prepares plan

ਪੰਜਾਬ ‘ਚ ਬਣੇਗਾ ਇਕ ਹੋਰ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ! PCA ਵੱਲੋਂ ਯੋਜਨਾ ਤਿਆਰ

ਅੰਮ੍ਰਿਤਸਰ (ਆਵਾਜ਼ਿ ਕੌਮ ਬਿਊਰੋ)- ਪੰਜਾਬ ਦਾ ਅੰਮ੍ਰਿਤਸਰ ਸ਼ਹਿਰ ਹੁਣ ਇੱਕ ਵੱਡਾ ਕ੍ਰਿਕਟ ਹੱਬ ਬਣਨ ਲਈ ਤਿਆਰ ਹੈ। ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ (ਪੀ.ਸੀ.ਏ.) ਵੱਲੋਂ ਅੰਮ੍ਰਿਤਸਰ ਦੇ ਭੱਲਾ ਪਿੰਡ ਵਿੱਚ ਅੰਤਰਰਾਸ਼ਟਰੀ ਪੱਧਰ ਦਾ ਕ੍ਰਿਕਟ ਸਟੇਡੀਅਮ ਬਣਾਉਣ ਦੀ ਯੋਜਨਾ ਤਿਆਰ ਕੀਤੀ ਗਈ ਹੈ। ਸਟੇਡੀਅਮ ਲਈ ਲੋੜੀਂਦੀ 20 ਤੋਂ 22 ਏਕੜ ਜ਼ਮੀਨ ਪ੍ਰਾਪਤ ਕਰਨ ਦੀ ਪ੍ਰਕਿਰਿਆ ਪੂਰੀ ਹੋ ਚੁੱਕੀ ਹੈ। ਪੀ.ਸੀ.ਏ. ਨੇ ਜ਼ਮੀਨ ਦਾ ਕਬਜ਼ਾ ਵੀ ਆਪਣੇ ਕੋਲ ਲੈ ਲਿਆ ਹੈ। ਸਟੇਡੀਅਮ ਦੇ 2030 ਤੱਕ ਪੂਰਾ ਹੋਣ ਦੀ ਉਮੀਦ ਹੈ। ਹੁਣ ਸਾਈਟ ‘ਤੇ ਸ਼ੁਰੂਆਤੀ ਕੰਮ ਸ਼ੁਰੂ ਹੋਣ ਵਾਲਾ ਹੈ। ਚਾਰਦੀਵਾਰੀ ਅਤੇ ਸਾਈਟ ਵਿਕਾਸ ਪਹਿਲਾ ਕਦਮ ਹੋਵੇਗਾ। ਇਹ ਸਾਈਟ ਅੰਮ੍ਰਿਤਸਰ ਹਵਾਈ ਅੱਡੇ ਤੋਂ ਲਗਭਗ 10 ਕਿਲੋਮੀਟਰ ਦੂਰ ਹੈ। ਸਟੇਡੀਅਮ ‘ਚ ਸ਼ੁਰੂ ਵਿੱਚ ਲਗਭਗ 30,000 ਤੋਂ 35,000 ਦਰਸ਼ਕਾਂ ਦੇ ਬੈਠਣ ਦੀ ਸਮਰੱਥਾ ਹੋਵੇਗੀ। ਭਵਿੱਖ ਵਿੱਚ, ਇਸ ਸਮਰੱਥਾ ਨੂੰ 40,000 ਤੋਂ ਵੱਧ ਕੀਤੀ ਜਾ ਸਕਦੀ ਹੈ। ਇੱਥੇ VIP ਬਾਕਸ, ਇੱਕ ਕਾਰਪੋਰੇਟ ਲਾਉਂਜ ਅਤੇ ਇੱਕ ਕਲੱਬਹਾਊਸ ਦੇ ਨਾਲ-ਨਾਲ ਖਿਡਾਰੀਆਂ ਲਈ ਅੰਤਰਰਾਸ਼ਟਰੀ-ਮਿਆਰੀ ਡ੍ਰੈਸਿੰਗ ਰੂਮ, ਫਿਜ਼ੀਓਥੈਰੇਪੀ ਅਤੇ ਰਿਕਵਰੀ ਸਹੂਲਤਾਂ ਹੋਣਗੀਆਂ। ਇਹ ਹੀ ਨਹੀਂ ਇੱਥੇ ਜ਼ਮੀਨ ‘ਤੇ ਇੱਕ ਡਰੇਨੇਜ ਸਿਸਟਮ ਲਗਾਇਆ ਜਾਵੇਗਾ ਤਾਂ ਮੀਂਹ ਦੌਰਾਨ ਮੈਚਾਂ ਵਿੱਚ ਵਿਘਨ ਨਾ ਪਵੇ। ਸਟੇਡੀਅਮ ਤੋਂ ਇਲਾਵਾ ਖਿਡਾਰੀਆਂ ਲਈ ਅਭਿਆਸ ਕਰਨ ਲਈ 10 ਤੋਂ 12 ਅਭਿਆਸ ਪਿੱਚਾਂ ਬਣਾਉਣ ਦੀ ਯੋਜਨਾ ਹੈ। ਸਟੇਡੀਅਮ ਵਿਚ ਸੀਸੀਟੀਵੀ ਅਤੇ ਅੱਗ ਸੁਰੱਖਿਆ ਪ੍ਰਣਾਲੀਆਂ ਸਥਾਪਿਤ ਕੀਤੀਆਂ ਜਾਣਗੀਆਂ। ਅੰਤਿਮ ਪੜਾਅ ‘ਚ ਫਲੱਡ ਲਾਈਟਾਂ, ਇਲੈਕਟ੍ਰੀਕਲ ਸਿਸਟਮ, ਸਕੋਰਬੋਰਡ, ਪ੍ਰਸਾਰਣ, ਵੀ ਬਣਾਏ ਜਾਣਗੇ। ਸਾਰੀਆਂ ਸਹੂਲਤਾਂ ਦੀ ਜਾਂਚ ਅਤੇ ਕਮਿਸ਼ਨਿੰਗ ਇਸ ਤੋਂ ਬਾਅਦ ਕੀਤੀ ਜਾਵੇਗੀ। ਇੰਨੇ ਵੱਡੇ ਅੰਤਰਰਾਸ਼ਟਰੀ ਸਟੇਡੀਅਮ ਦੇ ਨਿਰਮਾਣ ਵਿੱਚ ਲਗਭਗ ਤਿੰਨ ਤੋਂ ਚਾਰ ਸਾਲ ਲੱਗਣ ਦੀ ਉਮੀਦ ਹੈ। ਸਟੇਡੀਅਮ ‘ਚ ਟੀ20 ਅੰਤਰਰਾਸ਼ਟਰੀ ਮੈਚਾਂ ਤੋਂ ਇਲਾਵਾ ਆਈਪੀਐਲ ਵਰਗੇ ਵੱਡੇ ਟੂਰਨਾਮੈਂਟਾਂ ਦੀ ਮੇਜ਼ਬਾਨੀ ਕਰਨਾ ਸੰਭਵ ਹੋਵੇਗਾ। ਪੰਜਾਬ ਦੇ ਘਰੇਲੂ ਮੈਚ ਵੀ ਇੱਥੇ ਖੇਡੇ ਜਾਣਗੇ। ਪ੍ਰਮੁੱਖ ਅੰਤਰਰਾਸ਼ਟਰੀ ਅਤੇ ਘਰੇਲੂ ਮੈਚਾਂ ਦੌਰਾਨ ਦਰਸ਼ਕ, ਖਿਡਾਰੀ, ਮੀਡੀਆ ਅਤੇ ਕ੍ਰਿਕਟ ਨਾਲ ਸਬੰਧਤ ਸ਼ਖਸੀਅਤਾਂ ਦੂਜੇ ਸ਼ਹਿਰਾਂ ਅਤੇ ਰਾਜਾਂ ਤੋਂ ਅੰਮ੍ਰਿਤਸਰ ਆਉਣਗੀਆਂ। ਇਸ ਨਾਲ ਹੋਟਲਾਂ, ਟੈਕਸੀਆਂ, ਰੈਸਟੋਰੈਂਟਾਂ ਅਤੇ ਸਥਾਨਕ ਕਾਰੋਬਾਰਾਂ ਨੂੰ ਸਿੱਧਾ ਲਾਭ ਹੋਣ ਦੀ ਉਮੀਦ ਹੈ। ਹਵਾਈ ਅੱਡੇ ਤੋਂ ਲਗਭਗ 10 ਕਿਲੋਮੀਟਰ ਦੂਰ ਹੋਣ ਨਾਲ ਸੈਲਾਨੀਆਂ ਲਈ ਸਥਾਨ ਤੱਕ ਪਹੁੰਚਣਾ ਵੀ ਆਸਾਨ ਹੋ ਜਾਵੇਗਾ। ਪੀਸੀਏ ਨੂੰ ਸਟੇਡੀਅਮ ਤੋਂ ਲਗਭਗ 10-15 ਕਰੋੜ ਰੁਪਏ ਦੀ ਸਾਲਾਨਾ ਆਮਦਨ ਹੋਣ ਦੀ ਉਮੀਦ ਹੈ।