ਚੰਡੀਗੜ੍ਹ ਹਵਾਈ ਅੱਡਾ ਪੂਰੀ ਤਰ੍ਹਾਂ ਨਹੀਂ ਬੰਦ: 26 ਅਕਤੂਬਰ ਤੋਂ 18 ਨਵੰਬਰ ਤੱਕ ਰਨਵੇਅ ਰੱਖ-ਰਖਾਅ, ਯਾਤਰੀਆਂ ਲਈ 18 ਘੰਟੇ ਉਡਾਣ ਸਹੂਲਤ
24 ਅਕਤੂਬਰ 2025, ਚੰਡੀਗੜ੍ਹ – ਸ਼ਹੀਦ ਭਗਤ ਸਿੰਘ ਅੰਤਰਰਾਸ਼ਟਰੀ ਹਵਾਈ ਅੱਡਾ, ਚੰਡੀਗੜ੍ਹ ਨੂੰ 26 ਅਕਤੂਬਰ 2025 ਤੋਂ 18 ਨਵੰਬਰ 2025 ਤੱਕ ਰਨਵੇਅ ‘ਤੇ ਰੱਖ-ਰਖਾਅ ਅਤੇ PME (ਪੀਰੀਅਡਿਕਲ ਮੈਂਟਨੈਂਸ ਐਕਟਿਵਿਟੀਜ਼) ਕੰਮ ਕਾਰਨ ਅਸਥਾਈ ਤੌਰ ‘ਤੇ ਪ੍ਰਭਾਵਿਤ ਕੀਤਾ ਜਾਵੇਗਾ, ਪਰ ਇਹ ਪੂਰੀ ਤਰ੍ਹਾਂ ਬੰਦ ਨਹੀਂ ਹੋਵੇਗਾ। ਭਾਰਤੀ ਹਵਾਈ ਸੈਨਾ (IAF) ਵੱਲੋਂ ਜਾਰੀ NOTAM (ਨੋਟਿਸ ਟੂ ਏਅਰਮੈਨ) ਅਨੁਸਾਰ, ਇਹ ਕੰਮ ਰਨਵੇਅ ਰੀਸਰਫੇਸਿੰਗ ਅਤੇ CAT-I ਲੈਂਡਿੰਗ ਸਿਸਟਮ ਦੀ ਸਥਾਪਨਾ ਲਈ ਹੈ।
ਯਾਤਰੀਆਂ ਲਈ ਸਹੂਲਤ ਰੱਖਦਿਆਂ, 26 ਅਕਤੂਬਰ ਤੋਂ 6 ਨਵੰਬਰ 2025 ਤੱਕ ਹਰ ਰੋਜ਼ ਸਵੇਰੇ 5 ਵਜੇ ਤੋਂ ਦੁਪਹਿਰ 12 ਵਜੇ ਤੱਕ 7 ਘੰਟੇ ਅੱਡਾ ਖੁੱਲ੍ਹਾ ਰਹੇਗਾ, ਜਦਕਿ 7 ਨਵੰਬਰ ਤੋਂ 18 ਨਵੰਬਰ 2025 ਤੱਕ ਰੋਜ਼ਾਨਾ ਸਵੇਰੇ 5 ਵਜੇ ਤੋਂ ਰਾਤ 11 ਵਜੇ ਤੱਕ 18 ਘੰਟੇ ਉਡਾਣਾਂ ਚੱਲਣਗੀਆਂ। ਇਸ ਦੌਰਾਨ, ਹਰ ਰੋਜ਼ 10,000 ਤੋਂ ਵੱਧ ਯਾਤਰੀਆਂ ‘ਤੇ ਅਸਰ ਪੈ ਸਕਦਾ ਹੈ, ਪਰ ਉਲਟਰਨੇਟਿਵ ਰੂਟਾਂ ਰਾਹੀਂ ਉਡਾਣਾਂ ਜਾਰੀ ਰਹਿਣਗੀਆਂ। ਅਧਿਕਾਰੀਆਂ ਨੇ ਦੱਸਿਆ ਕਿ 19 ਨਵੰਬਰ 2025 ਤੋਂ ਅੱਡਾ ਪੂਰੀ ਤਰ੍ਹਾਂ ਸਧਾਰਣ ਰੂਪ ਵਿੱਚ ਚੱਲੇਗਾ। ਯਾਤਰੀਆਂ ਨੂੰ ਸਲਾਹ ਦਿੱਤੀ ਗਈ ਹੈ ਕਿ ਉਹ ਆਪਣੀਆਂ ਉਡਾਣਾਂ ਦੀਆਂ ਜਾਣਕਾਰੀਆਂ ਅਪਡੇਟ ਰੱਖਣ।
