CM Bhagwant Mann’s Big Claim: Area of Farming Beyond Border Fence Will Reduce
ਪਾਕਿ ਸਰਹੱਦ ‘ਤੇ ਤਾਰਬੰਦੀ ਦੇ ਪਾਰ ਹੋਣ ਵਾਲੀ ਖੇਤੀ ਦਾ ਘਟੇਗਾ ਦਾਇਰਾ – CM ਮਾਨ ਦਾ ਵੱਡਾ ਦਾਅਵਾ
17 ਜਨਵਰੀ 2026, ਚੰਡੀਗੜ੍ਹ – ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਨੇ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਨਾਲ ਹੋਈ ਮੁਲਾਕਾਤ ਤੋਂ ਬਾਅਦ ਵੱਡਾ ਦਾਅਵਾ ਕੀਤਾ ਹੈ ਕਿ ਪਾਕਿ ਸਰਹੱਦ ‘ਤੇ ਤਾਰਬੰਦੀ ਦੇ ਪਾਰ ਹੋਣ ਵਾਲੀ ਖੇਤੀ ਦਾ ਦਾਇਰਾ ਘਟੇਗਾ। ਉਨ੍ਹਾਂ ਕਿਹਾ ਕਿ ਤਾਰ ਦੇ ਪਰ੍ਹੇ ਵਾਲੇ ਖੇਤ ਹੁਣ ਭਾਰਤ ਦੇ ਦਾਇਰੇ ਹੇਠ ਆਉਣਗੇ ਅਤੇ ਸਰਹੱਦ ਦੀ ਤਾਰਬੰਦੀ ਦੀ ਹੱਦ ਜਲਦ ਬਦਲੀ ਜਾਵੇਗੀ।
ਮੁੱਖ ਮੰਤਰੀ ਨੇ ਇਹ ਵੀ ਕਿਹਾ ਕਿ ਬੀਐੱਸਐੱਫ ਦੀ ਨਿਗਰਾਨੀ ਤੋਂ ਬਿਨਾਂ ਵੀ ਕਿਸਾਨ ਆਪਣੇ ਖੇਤਾਂ ਵਿੱਚ ਖੇਤੀ ਕਰ ਸਕਣਗੇ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਐਸ.ਵਾਈ.ਐੱਲ. ਨਹਿਰ ਮੁੱਦੇ ਨੂੰ ਬੈਠ ਕੇ ਹੱਲ ਕਰਨ ਦੀ ਮੰਗ ਕੀਤੀ ਅਤੇ ਐਫਸੀਆਈ ਦੇ ਜਨਰਲ ਮੈਨੇਜਰ ਲਈ ਪੈਨਲ ਮੰਗਿਆ। ਚੰਡੀਗੜ੍ਹ ਵਿੱਚ 60:40 ਰੇਸ਼ੋ ਨੂੰ ਬਰਕਰਾਰ ਰੱਖਣ ਦੀ ਵੀ ਗੱਲ ਕਹੀ।
ਇਹ ਮੁਲਾਕਾਤ ਪੰਜਾਬ ਦੇ ਕਿਸਾਨਾਂ ਅਤੇ ਸਰਹੱਦੀ ਖੇਤਰਾਂ ਨਾਲ ਜੁੜੇ ਮੁੱਦਿਆਂ ਨੂੰ ਲੈ ਕੇ ਬਹੁਤ ਮਹੱਤਵਪੂਰਨ ਮੰਨੀ ਜਾ ਰਹੀ ਹੈ ਅਤੇ ਲੋਕ ਇਸ ਨੂੰ ਬਹੁਤ ਧਿਆਨ ਨਾਲ ਵੇਖ ਰਹੇ ਹਨ।
