IndiGo plane circled the skies of Jaipur for 44 minutes, then…

ਇੰਡੀਗੋ ਦੇ ਜਹਾਜ਼ ਨੇ 44 ਮਿੰਟ ਤੱਕ ਜੈਪੁਰ ਦੇ ਆਸਮਾਨ ’ਚ ਲਾਏ ਚੱਕਰ, ਫਿਰ…

ਜੈਪੁਰ (ਆਵਾਜ਼ਿ ਕੌਮ ਬਿਊਰੋ)-ਹੈਦਰਾਬਾਦ ਤੋਂ ਜੈਪੁਰ ਆਇਆ ਇੰਡੀਗੋ ਦਾ ਜਹਾਜ਼ ਬੁੱਧਵਾਰ ਨੂੰ ਲੱਗਭਗ 44 ਮਿੰਟ ਤੱਕ ਆਸਮਾਨ ਵਿਚ ਚੱਕਰ ਲਗਾਉਂਦਾ ਰਿਹਾ। ਤੇਜ਼ ਮੀਂਹ ਅਤੇ ਹਵਾ ਚੱਲਣ ਕਾਰਨ ਜਹਾਜ਼ ਨੂੰ ਰਨਵੇਅ ਛੂਹਣ ਤੋਂ ਬਾਅਦ ਦੁਬਾਰਾ ਉਡਾਣ ਭਰਨੀ ਪਈ। ਆਖ਼ਰਕਾਰ ਮੌਸਮ ਵਿਚ ਸੁਧਾਰ ਹੋਣ ਤੋਂ ਬਾਅਦ ਜਹਾਜ਼ ਦੀ ਜੈਪੁਰ ਏਅਰਪੋਰਟ ’ਤੇ ਸੁਰੱਖਿਅਤ ਲੈਂਡਿੰਗ ਕਰਵਾਈ ਗਈ। ਜਿਸ ਸਮੇਂ ਜਹਾਜ਼ ਖ਼ਰਾਬ ਮੌਸਮ ਕਾਰਨ ਆਸਮਾਨ ਵਿਚ ਚੱਕਰ ਲੱਗਾ ਰਿਹਾ ਸੀ, ਉਸ ਵਿਚ ਲੱਗਭਗ 120 ਯਾਤਰੀ ਸਵਾਰ ਸਨ। ਮਿਲੀ ਜਾਣਕਾਰੀ ਮੁਤਾਬਕ ਇੰਡੀਗੋ ਦੀ ਫਲਾਈਟ 6ਈ-913 ਬੁੱਧਵਾਰ ਦੁਪਹਿਰ ਲੱਗਭਗ 1 ਵੱਜ ਕੇ 45 ਮਿੰਟ ’ਤੇ ਜੈਪੁਰ ਏਅਰਪੋਰਟ ’ਤੇ ਉੱਤਰਨ ਵਾਲੀ ਸੀ। ਪਾਇਲਟ ਨੇ ਨਿਰਧਾਰਿਤ ਸਮੇਂ ਦੇ ਅਨੁਸਾਰ ਲੱਗਭਗ 1 ਵੱਜਕੇ 40 ਮਿੰਟ ’ਤੇ ਲੈਂਡਿੰਗ ਲਈ ਅਪ੍ਰੋਚ ਵੀ ਸ਼ੁਰੂ ਕਰ ਦਿੱਤੀ ਸੀ। ਪਰ ਉਸੇ ਦੌਰਾਨ ਏਅਰਪੋਰਟ ਦੇ ਆਸ-ਪਾਸ ਤੇਜ਼ ਮੀਂਹ ਅਤੇ ਹਵਾ ਕਾਰਨ ਲੈਂਡਿੰਗ ਲਈ ਅਨੁਕੂਲ ਹਾਲਾਤ ਨਹੀਂ ਬਣ ਸਕੇ। ਜਿਸ ਕਾਰਨ ਜਹਾਜ਼ 44 ਮਿੰਟ ਤੱਕ ਹਵਾ ਵਿਚ ਹੀ ਚੱਕਰ ਲਗਾਉਂਦਾ ਰਿਹਾ, ਜਿਸ ਤੋਂ ਬਾਅਦ ਇਸ ਦੀ ਲੈਡਿੰਗ ਕਰਵਾਈ ਗਈ।