Major update regarding the buffalo’s post-mortem; father Bhim Singh speaks out following CBI action

ਝੋਟੇ ਦੇ ਪੋਸਟਮਾਰਟਮ ਨੂੰ ਲੈ ਕੇ ਵੱਡੀ ਅਪਡੇਟ, CBI ਦੇ ਐਕਸ਼ਨ ਮਗਰੋਂ ਬੋਲੇ ਪਿਤਾ ਭੀਮ ਸਿੰਘ

ਮਾਨਸਾ (ਆਵਾਜ਼ਿ ਕੌਮ ਬਿਊਰੋ)- ਨਸ਼ਾ ਵਿਰੋਧੀ ਕਾਰਕੁਨ ਪਰਵਿੰਦਰ ਸਿੰਘ ਝੋਟਾ ਕਤਲ ਕਾਂਡ ‘ਚ ਵੱਡਾ ਮੋੜ ਆਇਆ ਹੈ। ਇਸ ਦੌਰਾਨ ਪੋਸਟਮਾਰਟਮ ਸਬੰਧੀ ਬਿਆਨ ਦਿੰਦਿਆਂ ਝੋਟੇ ਦੇ ਪਿਤਾ ਭੀਮ ਸਿੰਘ ਨੇ ਕਿਹਾ ਕਿ ਪਹਿਲਾਂ ਇਹ ਫੈਸਲਾ ਅਸੀਂ ਲੈਣਾ ਸੀ, ਪਰ ਹੁਣ ਅਸੀਂ ਸੀਬੀਆਈ ਨੂੰ ਕਿਹਾ ਹੈ ਕਿ ਅਸੀਂ ਤੁਹਾਡਾ ਪੂਰਾ ਸਹਿਯੋਗ ਕਰਾਂਗੇ। ਪਰਵਿੰਦਰ ਝੋਟੇ ਦੇ ਪਿਤਾ ਨੇ ਪੋਸਟਮਾਰਟਮ ਨੂੰ ਲੈ ਕੇ ਸਪੱਸ਼ਟ ਕੀਤਾ ਹੈ ਕਿ ਪੋਸਟਮਾਰਟਮ ਸਬੰਧੀ ਅੰਤਿਮ ਫੈਸਲਾ ਮੋਰਚੇ ‘ਚ ਪਹੁੰਚੇ ਸਮਰਥਕਾਂ, ਸੰਗਤ ਤੇ ਝੋਟਾ ਨੂੰ ਇਨਸਾਫ਼ ਦਿਵਾਉਣ ਲਈ ਬਣਾਈ ਗਈ ਐਕਸ਼ਨ ਕਮੇਟੀ ਦੀ ਸਲਾਹ ਨਾਲ ਹੀ ਲਿਆ ਜਾਵੇਗਾ। ਭੀਮ ਸਿੰਘ ਨੇ ਕਿਹਾ ਪੋਸਟਮਾਰਟਮ ਤੋਂ ਪਹਿਲਾਂ ਸਾਰੀਆਂ ਮੰਗਾਂ ਮੰਨੀਆਂ ਜਾਣ ਅਤੇ ਫਿਰ ਪੋਸਟਮਾਰਟਮ ਕੀਤਾ ਜਾਵੇਗਾ। ਪੰਜਾਬ ਦੀ ਸੰਗਤ ਕਹਿੰਦੀ ਹੈ ਸੰਸਕਾਰ ਤੋਂ ਪਹਿਲਾਂ ਹੀ ਮੰਗਾਂ ਮੰਨੀਆਂ ਜਾਣ। ਉਨ੍ਹਾਂ ਆਖਿਰ ‘ਚ ਕਿਹਾ ਕਿ ਪਰਵਿੰਦਰ ਝੋਟੇ ਨੂੰ ਇੰਝ ਕੋਈ ਐਵੇਂ ਨਹੀਂ ਮਾਰ ਸਕਦਾ ਸੀ, ਉਹ ਹੁਣ ਤਾਂ ਬਹੁਤ ਸਖ਼ਤ ਹੋ ਗਿਆ ਸੀ। ਇਹ ਪੁਲਸ ਪ੍ਰਸ਼ਾਸਨ, ਸਰਕਾਰ ਅਤੇ ਡਰੱਗ ਸਪਲਾਇਰਾਂ ਦੇ ਗਿਰੋਹ ਦਾ ਮਿਲੀਭੁਗਤ ਦਾ ਕੰਮ ਹੈ। ਭੀਮ ਸਿੰਘ ਨੇ ਧਰਨੇ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਪਹਿਲਾਂ ਧਰਨੇ ‘ਚ 200 ਦੇ ਕਰੀਬ ਲੋਕ ਹੁੰਦੇ ਸਨ, ਹੁਣ ਗਿਣਤੀ 3000 ਦੇ ਕਰੀਬ ਹੈ। ਜਿਸ ਵਿਚ ਬੀਬੀਆਂ ਵੀ ਰਾਤ ਨੂੰ ਆਜ਼ਾਦ ਅਤੇ ਨਿਡਰ ਹੋ ਬੈਠੀਆਂ ਹਨ।