Children in this family have been born on the same date for 118 years; a world record has been set
ਇਸ ਪਰਿਵਾਰ ‘ਚ 118 ਸਾਲਾਂ ਤੋਂ ਇਕੋ ਤਾਰੀਖ਼ ‘ਤੇ ਪੈਦਾ ਹੋ ਰਹੇ ਬੱਚੇ ; ਬਣ ਗਿਆ ਵਰਲਡ ਰਿਕਾਰਡ
Washington, (ਆਵਾਜ਼ਿ ਕੌਮ ਬਿਊਰੋ)-ਇੱਕ ਅਮਰੀਕੀ ਪਰਿਵਾਰ ਨੇ ਗਿਨੀਜ਼ ਵਰਲਡ ਰਿਕਾਰਡ ਵਿੱਚ ਪੰਜ ਪੀੜ੍ਹੀਆਂ ਦੇ ਇੱਕੋ ਜਨਮਦਿਨ ਦੇ ਕਾਰਨ ਸਥਾਨ ਪ੍ਰਾਪਤ ਕੀਤਾ ਹੈ। ਪਿਛਲੇ 118 ਸਾਲਾਂ ਵਿੱਚ ਇਸ ਪਰਿਵਾਰ ਦੀਆਂ ਪੰਜ ਪੀੜ੍ਹੀਆਂ ਦਾ ਜਨਮ ਇੱਕੋ ਤਾਰੀਖ ਮਤਲਬ 14 ਸਤੰਬਰ ਨੂੰ ਹੋਇਆ ਹੈ। ਗਿਨੀਜ਼ ਵਰਲਡ ਰਿਕਾਰਡ ਨੇ ਇਸਨੂੰ ਇੱਕ ਸ਼ਾਨਦਾਰ ਸੰਯੋਗ ਵਜੋਂ ਮਾਨਤਾ ਦਿੱਤੀ ਅਤੇ ਇਸਨੂੰ ਆਪਣੇ ਦਸਤਾਵੇਜ਼ਾਂ ਵਿੱਚ ਸ਼ਾਮਲ ਕੀਤਾ। ਇਹ ਵਿਲੱਖਣ ਰਿਕਾਰਡ ਪਿਛਲੇ ਸਾਲ 14 ਸਤੰਬਰ ਨੂੰ ਪਰਿਵਾਰ ਵਿੱਚ ਇੱਕ ਨਵੇਂ ਬੱਚੇ ਦੇ ਜਨਮ ਨਾਲ ਬਣਿਆ। ਹੁਣ ਤੱਕ ਦੁਨੀਆ ਵਿਚ ਇੱਕੋ ਤਾਰੀਖ ਨੂੰ ਇੱਕ ਪਰਿਵਾਰ ਦੀਆਂ ਚਾਰ ਪੀੜ੍ਹੀਆਂ ਦੇ ਜਨਮ ਦਾ ਵਿਸ਼ਵ ਰਿਕਾਰਡ ਰਿਹਾ ਹੈ। ਗਿਨੀਜ਼ ਵਰਲਡ ਰਿਕਾਰਡ ਦੇ ਅਨੁਸਾਰ ਬੈੱਲ ਅਤੇ ਹਾਰਲੋ ਪਰਿਵਾਰ ਪੰਜ ਪੀੜ੍ਹੀਆਂ ਦਾ ਇੱਕੋ ਜਨਮਦਿਨ ਹੋਣ ਦਾ ਰਿਕਾਰਡ ਬਣਾਉਣ ਵਾਲਾ ਪਹਿਲਾ ਪਰਿਵਾਰ ਬਣ ਗਿਆ ਹੈ। ਇਹ ਚਾਰ ਪੀੜ੍ਹੀਆਂ ਦੇ ਪਿਛਲੇ ਰਿਕਾਰਡ ਨੂੰ ਪਾਰ ਕਰਦਾ ਹੈ, ਜੋ ਪਹਿਲਾਂ ਸੱਤ ਪਰਿਵਾਰਾਂ ਦੁਆਰਾ ਸਾਂਝੇ ਤੌਰ ‘ਤੇ ਦਰਜ ਸੀ। ਪਰਿਵਾਰ ਦੇ ਸਭ ਤੋਂ ਨਵੇਂ ਮੈਂਬਰ ਆਰਥਰ ਬੈੱਲ ਦਾ ਜਨਮ 14 ਸਤੰਬਰ, 2025 ਨੂੰ ਹੋਇਆ ਹੈ। ਆਰਥਰ ਦੇ ਪੜਦਾਦਾ ਦਾ ਜਨਮ 14 ਸਤੰਬਰ, 1907 ਨੂੰ ਹੋਇਆ ਸੀ, ਅਤੇ ਉਦੋਂ ਤੋਂ, ਪਰਿਵਾਰ ਵਿੱਚ ਬੱਚੇ ਇਸ ਤਾਰੀਖ ਨੂੰ ਪੈਦਾ ਹੋਏ ਹਨ।
ਆਰਥਰ ਦੀ ਮਾਂ, ਐਮਾ ਬੈੱਲ, ਦਾ ਜਨਮ 14 ਸਤੰਬਰ, 1997 ਨੂੰ ਹੋਇਆ ਸੀ।
ਉਸਦੇ ਨਾਨਾ ਜੀ, ਡੋਨਾਲਡ ਹਾਰਲੋ ਦਾ ਜਨਮ 14 ਸਤੰਬਰ, 1972 ਨੂੰ ਹੋਇਆ ਸੀ।
ਆਰਥਰ ਦੀ ਪੜਦਾਦੀ ਐਡੀ ਹਾਰਲੋ, ਦਾ ਜਨਮ 14 ਸਤੰਬਰ, 1949 ਨੂੰ ਹੋਇਆ ਸੀ।
ਆਰਥਰ ਬੈੱਲ ਦੇ ਪੜਦਾਦਾ ਜੀ ਵਿਲਬਰ ਹਾਰਲੋ, ਦਾ ਜਨਮ 14 ਸਤੰਬਰ, 1907 ਨੂੰ ਹੋਇਆ ਸੀ।
ਗਿਨੀਜ਼ ਵਰਲਡ ਰਿਕਾਰਡ ਦੱਸਦਾ ਹੈ ਕਿ ਇਹ ਕਹਾਣੀ 1907 ਵਿੱਚ ਸ਼ੁਰੂ ਹੋਈ ਸੀ, ਜਦੋਂ ਵਿਲਬਰ ਹਾਰਲੋ ਦਾ ਜਨਮ 14 ਸਤੰਬਰ ਨੂੰ ਹੋਇਆ ਸੀ। ਵਿਲਬਰ ਇੱਕ ਪੋਸਟਮਾਸਟਰ ਸੀ ਅਤੇ ਬਰੂਕਸ, ਆਇਓਵਾ ਵਿੱਚ ਹਾਰਲੋ ਜਨਰਲ ਸਟੋਰ ਦਾ ਮਾਲਕ ਸੀ।
ਦੂਜੀ ਪੀੜ੍ਹੀ- 42 ਬਾਅਦ, 14 ਸਤੰਬਰ, 1949 ਨੂੰ, ਵਿਲਬਰ ਅਤੇ ਉਸਦੀ ਪਤਨੀ ਨੇ ਆਪਣੀ ਧੀ, ਐਡੀ ਹਾਰਲੋ ਦਾ ਸਵਾਗਤ ਕੀਤਾ।
ਤੀਜੀ ਪੀੜ੍ਹੀ-ਇਹ ਇਤਫ਼ਾਕ 1972 ਵਿੱਚ ਵੀ ਜਾਰੀ ਰਿਹਾ, ਜਦੋਂ ਐਡੀ ਨੇ 14 ਸਤੰਬਰ ਨੂੰ ਆਪਣੇ ਪੁੱਤਰ, ਡੋਨਾਲਡ ਹਾਰਲੋ ਨੂੰ ਜਨਮ ਦਿੱਤਾ।
ਚੌਥੀ ਪੀੜ੍ਹੀ- ਫਿਰ, 1997 ਵਿੱਚ ਡੋਨਾਲਡ ਦੀ ਧੀ, ਐਮਾ, ਦਾ ਜਨਮ 14 ਸਤੰਬਰ ਨੂੰ ਹੋਇਆ।
ਪੰਜਵੀਂ ਪੀੜ੍ਹੀ- ਫਿਰ 2025 ਵਿੱਚ,ਐਮਾ ਅਤੇ ਉਸਦੇ ਪਤੀ ਵਿਆਟ ਨੇ ਆਪਣੇ ਪੁੱਤਰ ਆਰਥਰ ਬੈੱਲ ਦਾ ਸਵਾਗਤ ਕੀਤਾ। ਇਤਫ਼ਾਕ ਨਾਲ, ਆਰਥਰ ਦਾ ਜਨਮਦਿਨ ਵੀ 14 ਸਤੰਬਰ ਹੈ।
ਪਰਿਵਾਰ ਦੀਆਂ ਪੰਜ ਪੀੜ੍ਹੀਆਂ 118 ਸਾਲਾਂ ਵਿੱਚ ਇੱਕੋ ਤਾਰੀਖ ਨੂੰ ਪੈਦਾ ਹੋਈਆਂ ਹਨ। ਇਸ ਪ੍ਰਾਪਤੀ ਲਈ, ਇਸ ਅਮਰੀਕੀ ਪਰਿਵਾਰ ਕੋਲ ਇੱਕੋ ਦਿਨ ਪੈਦਾ ਹੋਣ ਵਾਲੀਆਂ ਸਭ ਤੋਂ ਵੱਧ ਪੀੜ੍ਹੀਆਂ ਦਾ ਗਿਨੀਜ਼ ਵਰਲਡ ਰਿਕਾਰਡ ਹੈ। ਇਹ ਪੰਜ ਜਨਮਦਿਨ ਲਿੰਗ ਕ੍ਰਮ ਦੀ ਵੀ ਪਾਲਣਾ ਕਰਦੇ ਹਨ: ਮੁੰਡਾ, ਕੁੜੀ, ਮੁੰਡਾ, ਕੁੜੀ, ਮੁੰਡਾ।
ਪਰਿਵਾਰ ਲਈ ਦੁੱਖ ਦੀ ਗੱਲ ਹੈ ਕਿ ਐਡੀ ਦਾ 2023 ਵਿੱਚ ਦੇਹਾਂਤ ਹੋ ਗਿਆ ਅਤੇ ਉਹ ਆਪਣੇ ਪੜਪੋਤੇ, ਆਰਥਰ ਨੂੰ ਨਹੀਂ ਮਿਲ ਸਕੀ। ਹਾਲਾਂਕਿ ਉਹ ਕਈ ਸਾਲਾਂ ਤੱਕ ਪਰਿਵਾਰ ਦੇ ਜਨਮਦਿਨ ਦੇ ਜਸ਼ਨਾਂ ਦਾ ਹਿੱਸਾ ਰਹੀ। ਇਨ੍ਹਾਂ ਮੌਕਿਆਂ ‘ਤੇ, ਪਰਿਵਾਰ ਅਕਸਰ ਇੱਕ ਰੈਸਟੋਰੈਂਟ ਵਿੱਚ ਜਾਂਦਾ ਸੀ ਅਤੇ ਇਕੱਠੇ ਮੋਮਬੱਤੀ ਵਾਲਾ ਕੇਕ ਕੱਟਦਾ ਸੀ।

