Citizens of 13 countries, including India, will get a 96-hour free transit facility in Singapore

ਭਾਰਤ ਸਣੇ 13 ਦੇਸ਼ਾਂ ਦੇ ਨਾਗਰਿਕਾਂ ਨੂੰ ਸਿੰਗਾਪੁਰ ‘ਚ ਮਿਲੇਗੀ 96 ਘੰਟੇ ਦੀ ਫ੍ਰੀ ਟਰਾਂਜ਼ਿਟ ਸਹੂਲਤ

Singapore, (ਆਵਾਜ਼ਿ ਕੌਮ ਬਿਊਰੋ)-ਜੇਕਰ ਤੁਸੀਂ ਵੀ ਸਿੰਗਾਪੁਰ ਜਾਣ ਦੇ ਚਾਹਵਾਨ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬਹੁਤ ਖ਼ਾਸ ਹੈ। ਸਿੰਗਾਪੁਰ ਵਿਚ ਭਾਰਤ ਸਮੇਤ 13 ਦੇਸ਼ਾਂ ਦੇ ਨਾਗਰਿਕਾਂ ਲਈ 96 ਘੰਟੇ ਦੀ ਵੀਜ਼ਾ-ਮੁਕਤ ਆਵਾਜਾਈ ਸਹੂਲਤ (VFTF) ਦੀ ਪੇਸ਼ਕਸ਼ ਕੀਤੀ ਗਈ ਹੈ। ਇਸ ਸਹੂਲਤ ਨਾਲ ਚਾਹਵਾਨ ਅਤੇ ਯੋਗ ਯਾਤਰੀ ਸਿੰਗਾਪੁਰ ਵਿੱਚ ਪਹਿਲਾਂ ਤੋਂ ਵੀਜ਼ਾ ਪ੍ਰਾਪਤ ਕੀਤੇ ਬਿਨਾਂ 4 ਦਿਨਾਂ ਤੱਕ ਰਹਿ ਸਕਦੇ ਹਨ। ਭਾਰਤ ਸਮੇਤ 13 ਦੇਸ਼ਾਂ ਦੇ ਨਾਗਰਿਕਾਂ ਲਈ 96 ਘੰਟੇ ਦੀ ਵੀਜ਼ਾ-ਮੁਕਤ ਆਵਾਜਾਈ ਸਹੂਲਤ ਸਿੰਗਾਪੁਰ ਦੇ ਇੰਮੀਗ੍ਰੇਸ਼ਨ ਐਂਡ ਚੈੱਕਪੁਆਇੰਟਸ ਅਥਾਰਟੀ ਦੇ ਵੀਜ਼ਾ-ਫ੍ਰੀ ਫੈਸੀਲਿਟੀ ਨਿਯਮਾਂ ਤਹਿਤ ਯੋਗ ਯਾਤਰੀਆਂ ਲਈ ਹੈ। ਦੱਸ ਦੇਈਏ ਕਿ ਇਸ ਸਹੂਲਤ ਦਾ ਲਾਭ ਲੈਣ ਵਾਲੇ 13 ਦੇਸ਼ਾਂ ਵਿਚ ਭਾਰਤ ਸਣੇ ਅਰਮੀਨੀਆ, ਅਜ਼ਰਬਾਈਜਾਨ, ਬੇਲਾਰੂਸ, ਕਜ਼ਾਕਿਸਤਾਨ, ਕਿਰਗਿਸਤਾਨ, ਮੋਲਡੋਵਾ, ਰੂਸ, ਤਾਜ਼ਿਕਸਤਾਨ, ਉਜ਼ਬੇਕਿਸਤਾਨ, ਜਾਰਜੀਆ, ਤੁਰਕਮੇਨਿਸਤਾਨ ਅਤੇ ਯੂਕਰੇਨ ਸ਼ਾਮਲ ਹਨ। ਇਸ ਲਈ ਯਾਤਰੀ ਕੋਲ ਸਿੰਗਾਪੁਰ ਤੋਂ 96 ਘੰਟਿਆਂ ਦੇ ਅੰਦਰ-ਅੰਦਰ ਰਵਾਨਾ ਹੋਣ ਲਈ ਇੱਕ ਵੈਧ ਹਵਾਈ ਟਿਕਟ ਹੋਣੀ ਚਾਹੀਦੀ ਹੈ। ਇਹ ਸਹੂਲਤ ਸਿੰਗਾਪੁਰ ਤੋਂ ਕਿਸੇ ਤੀਜੇ ਦੇਸ਼ ਦੀ ਯਾਤਰਾ ਦੌਰਾਨ ਜਾਂ ਉੱਥੇ ਤੋਂ ਆਉਣ ਵਾਲੇ ਯਾਤਰੀਆਂ ਲਈ ਹੈ। ਇਸ ਲਈ ਭਾਰਤੀ ਯਾਤਰੀਆਂ ਕੋਲ ਸੰਯੁਕਤ ਰਾਜ ਅਮਰੀਕਾ, ਯੂਨਾਈਟਿਡ ਕਿੰਗਡਮ, ਕੈਨੇਡਾ, ਜਾਪਾਨ, ਆਸਟ੍ਰੇਲੀਆ, ਨਿਊਜ਼ੀਲੈਂਡ, ਜਰਮਨੀ ਜਾਂ ਸਵਿਟਜ਼ਰਲੈਂਡ ਵਰਗੇ ਦੇਸ਼ਾਂ ‘ਚੋਂ ਕਿਸੇ ਇੱਕ ਦਾ ਵੀਜ਼ਾ ਜਾਂ ਲੰਬੇ ਸਮੇਂ ਲਈ ਰਹਿਣ ਵਾਲੀ ਰਿਹਾਇਸ਼ੀ ਪਰਮਿੰਟ ਹੋਣੀ ਚਾਹੀਦੀ ਹੈ।