Mumbai-Pune Expressway Jam Victims to Get Rs 5 Crore Toll Refund

ਮੁੰਬਈ-ਪੁਣੇ ਹਾਈਵੇ ‘ਤੇ ਜਾਮ ‘ਚ ਫਸਣ ਵਾਲਿਆਂ ਨੂੰ 5 ਕਰੋੜ ਰੁਪਏ ਦਾ ਟੋਲ ਟੈਕਸ ਵਾਪਸ

23 ਫ਼ਰਵਰੀ 2026, ਮੁੰਬਈ – ਮੁੰਬਈ-ਪੁਣੇ ਐਕਸਪ੍ਰੈੱਸਵੇ ‘ਤੇ ਗੈਸ ਟੈਂਕਰ ਪਲਟਣ ਕਾਰਨ ਲੱਗੇ ਲੰਬੇ ਜਾਮ ਵਿੱਚ ਫਸੇ 1 ਲੱਖ ਤੋਂ ਵੱਧ ਲੋਕਾਂ ਨੂੰ ਵੱਡੀ ਰਾਹਤ ਮਿਲੀ ਹੈ। ਹਾਈਵੇ ਅਥਾਰਟੀ ਨੇ ਐਲਾਨ ਕੀਤਾ ਹੈ ਕਿ ਇਸ ਜਾਮ ਦੌਰਾਨ ਵਸੂਲ ਕੀਤੇ ਗਏ ਟੋਲ ਟੈਕਸ ਵਿੱਚੋਂ ਕੁੱਲ 5 ਕਰੋੜ ਰੁਪਏ ਵਾਪਸ ਕੀਤੇ ਜਾਣਗੇ।

ਘਟਨਾ ਦੌਰਾਨ ਲੋਕਾਂ ਨੂੰ 32 ਘੰਟੇ ਤੱਕ ਜਾਮ ਵਿੱਚ ਫਸੇ ਰਹਿਣਾ ਪਿਆ ਸੀ ਜਿਸ ਕਾਰਨ ਭਾਰੀ ਪ੍ਰੇਸ਼ਾਨੀ ਹੋਈ। ਟੈਂਕਰ ਪਲਟਣ ਕਾਰਨ ਰਸਤਾ ਬੰਦ ਹੋ ਗਿਆ ਸੀ ਅਤੇ ਟਰੈਫਿਕ ਪੂਰੀ ਤਰ੍ਹਾਂ ਰੁਕ ਗਿਆ ਸੀ। ਅਥਾਰਟੀ ਨੇ ਇਸ ਨੂੰ ਪ੍ਰਭਾਵਿਤ ਵਾਹਨਾਂ ਦੇ ਟੋਲ ਰਿਫੰਡ ਵਜੋਂ ਵਾਪਸ ਕਰਨ ਦਾ ਫੈਸਲਾ ਲਿਆ ਹੈ। ਰਿਫੰਡ ਪ੍ਰਕਿਰਿਆ ਜਲਦ ਸ਼ੁਰੂ ਕੀਤੀ ਜਾਵੇਗੀ ਅਤੇ ਲਾਭਪਾਤਰੀਆਂ ਨੂੰ ਈ-ਟੋਲ ਜਾਂ ਫਾਸਟੈਗ ਰਾਹੀਂ ਰਾਸ਼ੀ ਮਿਲੇਗੀ।

ਇਸ ਐਲਾਨ ਨਾਲ ਪ੍ਰਭਾਵਿਤ ਲੋਕਾਂ ਵਿੱਚ ਰਾਹਤ ਦੀ ਲਹਿਰ ਦੌੜ ਗਈ ਹੈ ਅਤੇ ਹਾਈਵੇ ‘ਤੇ ਸੁਰੱਖਿਆ ਅਤੇ ਐਮਰਜੈਂਸੀ ਵਿਵਸਥਾ ਨੂੰ ਲੈ ਕੇ ਵੀ ਚਰਚਾ ਛਿੜ ਗਈ ਹੈ।