Preparations to drop a ‘dirty bomb’ on America! Major claim in intelligence reports
ਅਮਰੀਕਾ ‘ਤੇ Dirty Bomb ਸੁੱਟਣ ਦੀ ਤਿਆਰੀ ! ਖੁਫੀਆ ਰਿਪੋਰਟਾਂ ‘ਚ ਵੱਡਾ ਦਾਅਵਾ
Washington, (ਆਵਾਜ਼ਿ ਕੌਮ ਬਿਊਰੋ)-ਇੱਕ ਅਮਰੀਕੀ ਖੁਫੀਆ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਈਰਾਨ ਵਾਸ਼ਿੰਗਟਨ ਵਿੱਚ ਟਰੰਪ ਪ੍ਰਸ਼ਾਸਨ ਦੇ ਅਧਿਕਾਰੀਆਂ ਦੀ ਹੱਤਿਆ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਈਰਾਨ ਇਸ ਹਮਲੇ ਨੂੰ ਅੰਜਾਮ ਦੇਣ ਲਈ ਡਰਟੀ ਬੰਬਾਂ ਜਾਂ ਰਸਾਇਣਕ ਹਥਿਆਰਾਂ ਦੀ ਵਰਤੋਂ ਕਰ ਸਕਦਾ ਹੈ। ਅਮਰੀਕੀ ਖੁਫੀਆ ਅਧਿਕਾਰੀਆਂ ਨੂੰ ਇਸ ਸਾਜ਼ਿਸ਼ ਬਾਰੇ ਜਾਣਕਾਰੀ ਮਿਲਣ ਤੋਂ ਬਾਅਦ ਐਮਰਜੈਂਸੀ ਤਿਆਰੀਆਂ ਤੇਜ਼ ਕਰ ਦਿੱਤੀਆਂ ਗਈਆਂ ਹਨ, ਜਿਸ ਵਿੱਚ ਸੰਭਾਵੀ ਸਥਾਨਾਂ ਅਤੇ ਟੀਚਿਆਂ ਬਾਰੇ ਜਾਣਕਾਰੀ ਸ਼ਾਮਲ ਹੈ। ਅਮਰੀਕੀ ਮੀਡੀਆ ਆਉਟਲੈਟ ਸੀਐਨਐਨ ਦੇ ਅਨੁਸਾਰ ਅਧਿਕਾਰੀ ਇਸ ਸਮੇਂ ਚਰਚਾ ਕਰ ਰਹੇ ਹਨ ਕਿ ਕੀ ਈਰਾਨ ਅਸਲ ਵਿੱਚ ਅਜਿਹੀ ਸਾਜ਼ਿਸ਼ ਨੂੰ ਅੰਜਾਮ ਦੇ ਸਕਦਾ ਹੈ। ਇੱਕ ਅਣਜਾਣ ਸਰੋਤ ਨੇ ਕਿਹਾ, “ਚਰਚਾ ਇਹ ਹੈ ਕਿ ਕੀ ਉਨ੍ਹਾਂ ਕੋਲ ਅਸਲ ਵਿੱਚ ਇਹ ਹਮਲੇ ਕਰਨ ਲਈ ਕਰਮਚਾਰੀ ਮੌਜੂਦ ਹਨ।” ਸੀਐਨਐਨ ਨੇ ਦੋ ਸਰੋਤਾਂ ਦਾ ਹਵਾਲਾ ਦਿੰਦੇ ਹੋਏ ਦੱਸਿਆ ਕਿ ਇਸ ਖਤਰੇ ਨਾਲ ਨਜਿੱਠਣ ਦੇ ਤਰੀਕਿਆਂ ‘ਤੇ ਚਰਚਾ ਕਰਨ ਲਈ ਪਿਛਲੇ ਹਫ਼ਤੇ ਕਈ ਮੀਟਿੰਗਾਂ ਕੀਤੀਆਂ ਗਈਆਂ ਸਨ। ਇਹ ਰਿਪੋਰਟ ਅਜਿਹੇ ਸਮੇਂ ਆਈ ਹੈ ਜਦੋਂ ਸੰਭਾਵੀ ਖਤਰਿਆਂ ਕਾਰਨ ਟਰੰਪ ਪ੍ਰਸ਼ਾਸਨ ਦੇ ਅਧਿਕਾਰੀਆਂ ਨੂੰ ਸੁਰੱਖਿਅਤ ਥਾਵਾਂ ‘ਤੇ ਭੇਜਿਆ ਗਿਆ ਹੈ। ਪਿਛਲੇ ਹਫ਼ਤੇ ਹੀ, ਸੀਕਰੇਟ ਸਰਵਿਸ ਨੇ ਟਰੰਪ ਦੇ ਖਜ਼ਾਨਾ ਸਕੱਤਰ, ਸਕਾਟ ਬੇਸੈਂਟ ਨੂੰ ਇੱਕ ਫੌਜੀ ਨਿਵਾਸ ਵਿੱਚ ਭੇਜ ਦਿੱਤਾ। ਵ੍ਹਾਈਟ ਹਾਊਸ ਦੀ ਬੁਲਾਰਨ ਲੌਰੇਨ ਬਿਸ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਸਾਰੇ ਸੰਭਾਵੀ ਖਤਰਿਆਂ ‘ਤੇ ਨਜ਼ਰ ਰੱਖੀ ਜਾ ਰਹੀ ਹੈ, ਪਰ ਇਸ ਸਮੇਂ ਦੇਸ਼ ਦੇ ਅੰਦਰੋਂ ਕੋਈ ਠੋਸ ਜਾਂ ਭਰੋਸੇਯੋਗ ਖ਼ਤਰਾ ਨਹੀਂ ਹੈ। ਅਮਰੀਕੀ ਅਧਿਕਾਰੀ ਚਿੰਤਤ ਹਨ ਕਿ ਈਰਾਨ ਡਰਟੀ ਬੰਬਾਂ ਦੀ ਵਰਤੋਂ ਕਰ ਸਕਦਾ ਹੈ। ਇਨ੍ਹਾਂ ਵਿੱਚ ਰਵਾਇਤੀ ਬੰਬਾਂ ਨਾਲ ਰੇਡੀਓਐਕਟਿਵ ਸਮੱਗਰੀ ਮਿਲਾਈ ਜਾਂਦੀ ਹੈ ਅਤੇ ਇਸ ਨੂੰ ਬਣਾਉਣਾ ਆਸਾਨ ਹੈ। ਅਮਰੀਕੀ ਖੁਫੀਆ ਏਜੰਸੀਆਂ ਨੇ ਈਰਾਨ ਦੀ ਅਜਿਹੀ ਗੱਲਬਾਤ ਪਾਰੇ ਪਤਾ ਲੱਗਾ ਹੈ ਜਿਸ ਵਿਚ ਅਮਰੀਕਾ ਦੇ ਅੰਦਰ ਬੰਬ ਬਣਾਉਣ ਵਾਲੀ ਸਮੱਗਰੀ ਹੋਣ ਦਾ ਦਾਅਵਾ ਕੀਤਾ ਗਿਆ ਹੈ। ਅਮਰੀਕੀ ਅਧਿਕਾਰੀ ਇਸ ਦਾਅਵੇ ਨੂੰ ਗੰਭੀਰ ਮੰਨਦੇ ਹਨ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਸੰਭਵ ਹੈ ਕਿ ਈਰਾਨ ਨੇ ਪਹਿਲਾਂ ਹੀ ਅਮਰੀਕਾ ਦੇ ਅੰਦਰ ਪ੍ਰਮਾਣੂ ਸਮੱਗਰੀ ਜਾਂ ਰਸਾਇਣਕ ਏਜੰਟ ਲੁਕਾਏ ਹੋਣ ਜੋ ਰਵਾਇਤੀ ਹਥਿਆਰਾਂ ਵਿੱਚ ਵਰਤੇ ਜਾ ਸਕਦੇ ਹਨ।
ਜਾਣੋ ਡਰਟੀ ਬੰਬ ਬਾਰੇ
-ਡਰਟੀ ਬੰਬ ਅਤੇ ਪ੍ਰਮਾਣੂ ਬੰਬ ਦੋਵਾਂ ਵਿਚ ਰੇਡੀਓਐਕਟਿਵ ਸਮੱਗਰੀ ਦੀ ਵਰਤੋਂ ਹੁੰਦੀ ਹੈ, ਪਰ ਉਨ੍ਹਾਂ ਵਿਚਕਾਰ ਮਹੱਤਵਪੂਰਨ ਅੰਤਰ ਹਨ।
-ਇੱਕ ਪ੍ਰਮਾਣੂ ਬੰਬ ਪ੍ਰਮਾਣੂ ਵਿਖੰਡਨ ਪ੍ਰਕਿਰਿਆ ‘ਤੇ ਕੰਮ ਕਰਦਾ ਹੈ ਅਤੇ ਬਹੁਤ ਵਿਨਾਸ਼ਕਾਰੀ ਹੁੰਦਾ ਹੈ।
-ਡਰਟੀ ਬੰਬ ਆਮ ਬੰਬਾਂ ਵਾਂਗ ਹੁੰਦੇ ਹਨ, ਜਿਸ ਵਿੱਚ ਰੇਡੀਓਐਕਟਿਵ ਸਮੱਗਰੀ ਮਿਲਾਈ ਜਾਂਦੀ ਹੈ।
-ਡਰਟੀ ਬੰਬ ਕਈ ਕਿਲੋਮੀਟਰ ਤੱਕ ਹਵਾ ਰਾਹੀਂ ਰੇਡੀਏਸ਼ਨ ਫੈਲਾ ਸਕਦੇ ਹਨ।
-ਹਾਲਾਂਕਿ ਇਸ ਨਾਲ ਕਿਸੇ ਦੀ ਤੁਰੰਤ ਮੌਤ ਰੇਡੀਏਸ਼ਨ ਕਾਰਨ ਨਹੀਂ, ਸਗੋਂ ਧਮਾਕੇ ਕਾਰਨ ਹੋਵੇਗੀ।
-ਬੰਬ ਤੋਂ ਨਿਕਲਣ ਵਾਲਾ ਰੇਡੀਏਸ਼ਨ ਲੋਕਾਂ ਨੂੰ ਗੰਭੀਰ ਰੂਪ ਵਿੱਚ ਬਿਮਾਰ ਕਰ ਸਕਦਾ ਹੈ, ਅਤੇ ਕੁਝ ਖੇਤਰ ਰਹਿਣ ਯੋਗ ਨਹੀਂ ਰਹਿਣਗੇ।

