Sensational case in Punjab: Skull of a skeleton dug up after digging up a grave! There was a noise in the middle of the night and then…

ਪੰਜਾਬ ‘ਚ ਸਨਸਨੀਖੇਜ਼ ਮਾਮਲਾ : ਕਬਰ ਪੁੱਟ ਕੇ ਕੱਢੀ ਕੰਕਾਲ ਦੀ ਖੋਪੜੀ! ਅੱਧੀ ਰਾਤੀਂ ਪੈ ਗਿਆ ਰੌਲਾ ਤੇ ਫਿਰ…

ਫਾਜ਼ਿਲਕਾ (ਆਵਾਜ਼ਿ ਕੌਮ ਬਿਊਰੋ)-ਫਾਜ਼ਿਲਕਾ ਦੇ ਸੈਣੀਆਂ ਰੋਡ ਸਥਿਤ ਬਾਬਾ ਅਤਰਸ਼ਾਹ ਡੇਰੇ ਦੇ ਪਿੱਛੇ ਬਣੇ ਕਬਰਿਸਤਾਨ ‘ਚ ਕਬਰ ਪੁੱਟ ਕੇ ਕੰਕਾਲ ਦੀ ਖੋਪੜੀ ਕੱਢਣ ਦੇ ਦੋਸ਼ ‘ਚ ਪੁਲਸ ਨੇ 2 ਲੋਕਾਂ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਘਟਨਾ ਦਾ ਪਤਾ ਉਸ ਸਮੇਂ ਲੱਗਿਆ, ਜਦੋਂ ਪਿੰਡ ਇਸਲਾਮਵਾਲਾ ਦਾ ਇਕ ਵਿਅਕਤੀ ਬਾਬਾ ਅਤਰਸ਼ਾਹ ਡੇਰੇ ‘ਚ ਪਹੁੰਚਿਆ। ਉਸ ਨੇ ਦੇਖਿਆ ਕਿ ਕਬਰਿਸਤਾਨ ‘ਚ 2 ਲੋਕ ਇਕ ਕਬਰ ਪੁੱਟ ਕੇ ਕੰਕਾਲ ਦੀ ਖੋਪੜੀ ਕੱਢ ਰਹੇ ਸਨ। ਉਸ ਨੇ ਘਟਨਾ ਦੀ ਵੀਡੀਓ ਬਣਾਈ ਅਤੇ ਤੁਰੰਤ ਪੁਲਸ ਨੂੰ ਸੂਚਨਾ ਦਿੱਤੀ। ਪੁਲਸ ਦੇ ਪਹੁੰਚਣ ਤੋਂ ਪਹਿਲਾਂ ਡੇਰੇ ‘ਚ ਮੌਜੂਦ ਲੋਕਾਂ ਦੀ ਮਦਦ ਨਾਲ ਦੋਵਾਂ ਮੁਲਜ਼ਮਾਂ ਨੂੰ ਫੜ੍ਹ ਲਿਆ ਗਿਆ। ਫੜ੍ਹੇ ਗਏ ਮੁਲਜ਼ਮਾਂ ਵਿਚੋਂ ਇਕ ਨੇ ਆਪਣੀ ਪਛਾਣ ਹਰੀਸ਼ ਬਾਬਾ ਵਜੋਂ ਦੱਸੀ। ਉਸ ਨੇ ਦਾਅਵਾ ਕੀਤਾ ਕਿ ਉਹ ਬਰੀਵਾਲਾ ਮੰਡੀ ਦਾ ਨਿਵਾਸੀ ਹੈ। ਉਹ ਪਿਛਲੇ 26 ਸਾਲਾਂ ਤੋਂ ਬਾਬਾ ਅਤਰਸ਼ਾਹ ਡੇਰੇ ‘ਚ ਰਹਿ ਰਿਹਾ ਹੈ। ਹਰੀਸ਼ ਬਾਬਾ ਨੇ ਕਿਹਾ ਕਿ ਉਸ ਨੇ ਆਪਣੇ ਨਾਲ ਮੌਜੂਦ ਵਿਅਕਤੀ ਨੂੰ 500 ਰੁਪਏ ਦੇ ਕੇ ਕਬਰ ਪੁਟਵਾਈ ਸੀ। ਉਸ ਨੇ ਦੱਸਿਆ ਕਿ ਕੱਢੀ ਗਈ ਕੰਕਾਲ ਦੀ ਖੋਪੜੀ ਦਾ ਉਹ ਕਿਸੇ ਕੰਮ ‘ਚ ਇਸਤੇਮਾਲ ਕਰਨਾ ਚਾਹੁੰਦਾ ਸੀ। ਪੁਲਸ ਦਾ ਕਹਿਣਾ ਹੈ ਕਿ ਡੇਰਾ ਪ੍ਰਬੰਧਕ ਕਮੇਟੀ ਦੇ ਲੋਕਾਂ ਵਲੋਂ ਉਕਤ ਲੋਕਾਂ ਵਲੋਂ ਕਬਰ ਪੁੱਟ ਕੇ ਕੱਢੀ ਗਈ ਖੋਪੜੀ ਨੂੰ ਵਾਪਸ ਕਬਰ ‘ਚ ਰੱਖ ਦਿੱਤਾ ਗਿਆ ਹੈ। ਪੁਲਸ ਨੇ ਘਟਨਾ ਸਥਾਨ ਦਾ ਨਿਰੀਖਣ ਕਰ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।